2019 წლის 10 სექტემბერს საქართველოს სახალხო დამცველი ნინო ლომჯარია ამერიკის შეერთებული შტატების საერთაშორისო განვითარების სააგენტოს (USAID) ევროპისა და ევრაზიის ბიუროს ხელმძღვანელს ბროკ ბირმანს შეხვდა. შეხვედრაზე მხარეებმა დემოკრატიისა და ადამიანის უფლებების დაცვის თვალსაზრისით საქართველოში არსებული მდგომარეობა განიხილეს.

ბროკ ბირმანმა სახალხო დამცველს დემოკრატიის განვითარებაში შეტანილი წვლილისთვის მხარდაჭერისა და მადლიერების ნიშნად მედალი გადასცა.