2024 წლის 11 მარტს სახალხო დამცველმა წინადადებით საქართველოს პარლამენტს მიმართა და სისხლის სამართლის პროცესის იმ მონაწილეების საკუთრების უფლების დაცვის მიზნით, რომელთაც ბრალდების მხარის მიერ მოპოვებული/ამოღებული სატრანსპორტო საშუალების შენახვის ხარჯების ანაზღაურება ეკისრებათ, „საქართველოს შინაგან საქმეთა სამინისტროს საჯარო სამართლის იურიდიული პირის - საზოგადოებრივი უსაფრთხოების მართვის ცენტრი „112“-ის შესახებ“ საქართველოს კანონში ცვლილებისა და დამატების შეტანა მოითხოვა.