11 აპრილს დიდი ებრაული დღესასწაული ფესახი (პასექი) იწყება. ფესახი უფლის მიერ ებრაელების ეგვიპტელთა მონობიდან გამოხსნას უკავშირდება. ამ დღეს მორწმუნეები ფიზიკური და სულიერი გადარჩენის ნიშნად უფლისგან მოსულ ხსნას ზეიმობენ და იერუსალიმის ტაძარს მოილოცავენ. ეს ბიბლიური დღესასწაული ძვირფასი და მნიშვნელოვანია ყველა ებრაელისათვის და სიმბოლურია სხვა ერებისათვის, რადგან ამ დღეს ებრაელები კაცობრიობას თავისუფლების სიყვარულისა და ერთგულების მაგალითს უჩვენებენ.

საქართველოს სახალხო დამცველი ქართველ ებრაელებს ამ დიდ დღესასწაულს ულოცავს და მათ ოჯახებს მშვიდობასა და სიკეთეს უსურვებს.