2023 წლის 14 მარტს საქართველოს სახალხო დამცველი ლევან იოსელიანი რუსთავის N6 (პატიმრობისა და განსაკუთრებული რისკის თავისუფლების აღკვეთის) პენიტენციურ დაწესებულებაში იმყოფებოდა.

სახალხო დამცველი დეტალურად გაეცნო დაწესებულების საცხოვრებელ პირობებს და ინფრასტრუქტურას; მათ შორის, პატიმართა განთავსების საკნებში, დეესკალაციის ოთახებში, საერთო სარგებლობის საშხაპეებში, სასეირნო ეზოებსა თუ ხანგრძლივი პაემნების სივრცეებში არსებულ მდგომარეობას. გაესაუბრა პატიმრებს და მოისმინა მათი პრობლემები. ასევე, შეხვდა დაწესებულების დირექტორსა და ადმინისტრაციას.