გაზეთ „კვირის პალიტრის“ სოციოლოგიურ გამოკითხვას - „ნდობა“ 422 რესპონდენტი გამოეხმაურა. კითხვაზე „რომელ უწყებას/საზოგადოებრივ ინსტიტუტს ენდობით ყველაზე მეტად?“ - სახალხო დამცველმა მესამე ადგილი დაიკავა საქართველოს საპატრიარქოსა და მედიის შემდეგ. სქემის მიხედვით, მაქსიმალური შეფასება 9 ქულა იყო, ხოლო მინიმალური - 1 ქულა.

საშუალო ქულის მიღებისას სანდო უწყებათა რეიტინგი ასე გადანაწილდა:

1. საქართველოს საპატრიარქო 8.87

2. მედია 6.12

3. ომბუდსმენი 5.70

4. მთავრობა/მინისტრები 4.90

5. პრეზიდენტი 4.85

6. საქართველოს პარლამენტი 4.79

7. სასამართლო 3.74

8. არასამთავრობო სექტორი 3.04

9. მერია/ადგილობრივი ხელისუფლება 2.99

საზოგადოების მხრიდან ასეთი მაღალი ნდობის გამოცხადება კიდევ მეტ პასუხისმგებლობას აკისრებს სახალხო დამცველის აპარატს და ადამიანის უფლებათა დაცვის მდგომარეობის გაუმჯობესებისთვის ინტენსიური მუშაობის გაგრძელების სტიმულს აძლევს.