2024 წლის 15 თებერვალს საქართველოს სახალხო დამცველის მოადგილემ ირინე ჩიხლაძემ მონაწილეობა მიიღო გაეროს მოსახლეობის ფონდის (UNFPA) საქართველოს ოფისის საიუბილეო ღონისძიებასა და UNFPA-ს მეგობრების კლუბის პრეზენტაციაში.

ღონისძიებაზე მადლობის სიგელები გადაეცათ იმ უწყებებსა და ორგანიზაციებს, რომლებმაც UNFPA-სთან თანამშრომლობით განსაკუთრებული წვლილი შეიტანეს მოსახლეობისა და განვითარების კაიროს საერთაშორისო კონფერენციის (ICPD) სამოქმედო პროგრამის მიზნების მიღწევასა და პრიორიტეტების განხორციელებაში.

საქართველოს სახალხო დამცველსა და UNFPA-ს საქართველოს ოფისს მრავალი წელია წარმატებული ურთიერთანამშრომლობა აკავშირებთ და აქტიურად განაგრძობენ ერთობლივ მუშაობას იმისთვის, რომ ადამიანი, მისი უფლებები და არჩევანი მუდმივად იდგეს მდგრადი განვითარების ცენტრში.

©️ ფოტოები: გელა ბედიანაშვილი/UNFPA