ვაკანსიის დასახელება: სპეციალური პრევენციული ჯგუფის წევრი ბავშვზე ზრუნვის, სააღმზრდელო დაწესებულებების, ასევე, არასრულწლოვანთა სარეაბილიტაციო და ფსიქიატრიული დაწესებულების მონიტორინგის მიმართულებით.

საკონტაქტო ინფორმაცია: მისამართი: ქ. თბილისი, დავით აღმაშენებლის გამზირი N80

საკონტაქტო ნომერი: (+995) 598845362

განაცხადების მიღების ვადა: 2024 წლის 17 ივნისის ჩათვლით

სამუშაოს აღწერა: ბავშვზე ზრუნვის დაწესებულებების, ასევე, ბავშვთა სარეაბილიტაციო დაწესებულების მონიტორინგის მიმართულებით მომუშავე სპეციალური პრევენციული ჯგუფის წევრის მოვალეობაა „საქართველოს სახალხო დამცველის“ შესახებ საქართველოს ორგანული კანონის მე-19¹ მუხლის შესაბამისად, რეგულარულად შეამოწმოს ბავშვზე ზრუნვის, სააღმზრდელო ან/და სარეაბილიტაციო დაწესებულებებში მყოფ ბავშვთა მდგომარეობა და მათდამი მოპყრობა წამებისა და სხვა სასტიკი, არაადამიანური ან დამამცირებელი მოპყრობისაგან ან სასჯელისაგან დაცვის მიზნით. სპეციალური პრევენციული ჯგუფის წევრები მოქმედებენ საქართველოს სახალხო დამცველის სპეციალური რწმუნების საფუძველზე და ანგარიშვალდებული არიან მხოლოდ საქართველოს სახალხო დამცველის წინაშე.

ბავშვთა სახლების მონიტორინგის მიმართულებით საქართველოს სახალხო დამცველი აცხადებს კონკურსს შემდეგ პოზიციებზე:

1. პოზიციის დასახელება: პედიატრი

ადგილების რაოდენობა: 2

საკვალიფიკაციო მოთხოვნები:

• უმაღლესი განათლება მედიცინის სფეროში;
• ექიმად (პედიატრიის სპეციალობით) მუშაობის არანაკლებ 3 წლიანი სამუშაო გამოცდილება;
• პედიატრიის მიმართულებით საექიმო საქმიანობის განხორციელების სახელმწიფო სერტიფიკატი ან ლიცენზია;
• ნახევრად ღია და დახურული ტიპის დაწესებულებების მონიტორინგის გამოცდილება (სასურველია).

2. პოზიციის დასახელება: ნუტრიციოლოგი

ადგილების რაოდენობა: 1

საკვალიფიკაციო მოთხოვნები:

• უმაღლესი განათლება მედიცინის სფეროში;
• ექიმად მუშაობის არანაკლებ 3 წლიანი სამუშაო გამოცდილება;
• საექიმო საქმიანობის განხორციელების სახელმწიფო სერტიფიკატი ან სამედიცინო საქმიანობის განხორციელების ლიცენზია;
• ბავშვთა და მოზარდთა კვებისა და ცხოვრების ჯანსაღი წესის საკითხებში მუშაობის გამოცდილება (სასურველია);
• ნახევრად ღია და დახურული ტიპის დაწესებულებების მონიტორინგის გამოცდილება (სასურველია).

3. პოზიციის დასახელება: სოციალური მუშაკი

ადგილების რაოდენობა: 2

საკვალიფიკაციო მოთხოვნები:

• უმაღლესი აკადემიური განათლება ან/და სერტიფიკატი სოციალური მუშაობის მიმართულებით;
• ბავშვის უფლებათა კოდექსის ცოდნა, არასრულწლოვანთა მართლმსაჯულების კოდექსის ცოდნა, ბავშვზე ზრუნვის სტანდარტების დამტკიცების შესახებ ტექნიკური რეგლამენტის ცოდნა;
• ბავშვებთან და მოზარდებთან სოციალურ მუშაკად მუშაობის არანაკლებ 2 წლიანი გამოცდილება;
• ნახევრად ღია და დახურული ტიპის დაწესებულებების მონიტორინგის გამოცდილება (სასურველია).

4. პოზიციის დასახელება: ფსიქოლოგი

ადგილების რაოდენობა: 3

საკვალიფიკაციო მოთხოვნები:

• უმაღლესი აკადემიური განათლება ფსიქოლოგიის მიმართულებით;
• ბავშვებთან ფსიქოლოგად მუშაობის არანაკლებ 2 წლიანი სამუშაო გამოცდილება;
• ბავშვთან და მოზარდებთან ინდივიდუალური და ჯგუფური მუშაობის გამოცდილება (სასურველია);
• ძალადობა განცდილ ბავშვებთან, ასევე, კანონთან კონფლიქტში მყოფ ბავშვებთან მუშაობის გამოცდილება (სასურველია);
• ნახევრად ღია და დახურული ტიპის დაწესებულებების მონიტორინგის გამოცდილება (სასურველია).

5. პოზიციის დასახელება: ფსიქიატრი

ადგილების რაოდენობა: 1

საკვალიფიკაციო მოთხოვნები:

• უმაღლესი აკადემიური განათლება მედიცინის სფეროში;
• არანაკლებ 1 წლიანი სამუშაო გამოცდილება ფსიქიატრიის მიმართულებით;
• ფსიქიკური ჯანმრთელობის პრობლემების მქონე ბავშვებთან და მოზარდებთან მუშაობის გამოცდილება;
• ფსიქიატრის ლიცენზია;
• ნახევრად ღია და დახურული ტიპის დაწესებულებების მონიტორინგის გამოცდილება (სასურველია);

კანდიდატებს მოეთხოვებათ შემდეგი პიროვნული მახასიათებლების და უნარ-ჩვევების ქონა:

• პროფესიული ეთიკური სტანდარტების პატივისცემა
• ანალიტიკური და შემოქმედებითი აზროვნების უნარი;
• სტრესულ გარემოში მუშაობის უნარი;
• ანგარიშის მომზადებასთან დაკავშირებული სპეციფიკური წერითი უნარ-ჩვევები;
• გუნდური მუშაობის უნარი და გამოცდილება;
• პუნქტუალობა.

წარსადგენი დოკუმენტები:

• რეზიუმე (CV);
• შესაბამისი განათლების დამადასტურებელი დოკუმენტის ელექტრონული ასლი (პოზიციის საკვალიფიკაციო მოთხოვნის გათვალისწინებით);
• შესაბამისი გამოცდილების დამადასტურებელი დოკუმენტის ასლი (პოზიციის საკვალიფიკაციო მოთხოვნის გათვალისწინებით);
• პოზიციის საკვალიფიკაციო მოთხოვნის გათვალისწინებით შესაბამისი ლიცენზია, სერთიფიკატი;
• წერილობითი განცხადება საქართველოს სახალხო დამცველის სახელზე;
• სამოტივაციო წერილი;
• პირადობის დამადასტურებელი დოკუმენტის ასლი;
• სასურველია კანდიდატის განათლებასა და გამოცდილებასთან დაკავშირებული სხვა დოკუმენტაციის წარმოდგენა (დიპლომი, სერტიფიკატი, რეკომენდაცია და ა.შ).

ანაზღაურება: პრევენციის ეროვნული მექანიზმის ფარგლებში სპეციალური პრევენციული ჯგუფის წევრის საქმიანობა არ წარმოადგენს უვადო ან ვადიანი ხელშეკრულების საფუძველზე ყოველთვიურად ანაზღაურებად საქმიანობას. სპეციალური პრევენციული ჯგუფის წევრების მიერ განხორციელებული აქტივობები ანაზღაურდება ცალკეული მონიტორინგის ფარგლებში შესრულებული სამუშაოს გათვალისწინებით, შესაბამისი ხელშეკრულების საფუძველზე.

დამატებითი ინფორმაცია:

• სპეციალური პრევენციული ჯგუფის წევრი შეიძლება იყოს პირი, რომელსაც აქვს სათანადო განათლება, პროფესიული გამოცდილება და კეთილსინდისიერად შეუძლია შეასრულოს ნაკისრი ვალდებულება.
• კონკურსში მონაწილეობის უფლება აქვს საქართველოს მოქალაქეს 21 წლის ასაკიდან, რომელიც ფლობს სახელმწიფო ენას და აკმაყოფილებს საქართველოს სახალხო დამცველის სპეციალური პრევენციული ჯგუფის წევრის მიმართ წაყენებულ მოთხოვნებს.
• სპეციალური პრევენციული ჯგუფის წევრი არ შეიძლება იყოს პოლიტიკური პარტიის წევრი ან მონაწილეობდეს პოლიტიკურ საქმიანობაში.
• პრევენციის ეროვნული მექანიზმის ფარგლებში სპეციალური პრევენციული ჯგუფის შესარჩევ კონკურსში მონაწილეობის მისაღებად არ დაიშვება პირი, რომელიც ნასამართლევია განზრახ ჩადენილი დანაშაულისთვის და მოხსნილი არ აქვს ნასამართლობა.
• პრევენციის ეროვნული მექანიზმის ფარგლებში სპეციალური პრევენციული ჯგუფის შესარჩევ კონკურში მონაწილეობის მისაღებად არ დაიშვებიან პირები, რომლებიც დასაქმებული არიან იმ საჯარო დაწესებულებაში, რომლის საქმიანობა პირდაპირ და უშუალოდ დაკავშირებულია პრევენციის ეროვნული მექანიზმის საქმიანობასთან და/ან რომლის მონიტორინგის განხორციელება შედის პრევენციის ეროვნული მექანიზმის ფუნქციებში;
• პრევენციის ეროვნული მექანიზმის ფარგლებში სპეციალური პრევენციული ჯგუფის შესარჩევ კონკურში მონაწილეობის მისაღებად არ დაიშვებიან პირები, რომლებიც ეწევიან კერძო საადვოკატო ან ჟურნალისტურ საქმიანობას;
• პრევენციის ეროვნული მექანიზმის ფუნქციების შესრულებისას სპეციალური პრევენციული ჯგუფის წევრები მოქმედებენ საქართველოს სახალხო დამცველის სპეციალური რწმუნების საფუძველზე და ანგარიშვალდებულნი არიან საქართველოს სახალხო დამცველის წინაშე.

პრევენციის ეროვნული მექანიზმის შესახებ დეტალური ინფორმაცია შეგიძლიათ იხილოთ: https://www.ombudsman.ge/geo/preventsiis-erovnuli-meqanizmi

საკონკურსო დოკუმენტაციის წარდგენა ხდება ელექტრონული სახით მისამართზე: hr@ombudsman.ge

აუცილებელია კანდიდატმა ელექტრონული ფოსტის შესაბამის ველში (subject) მიუთითოს იმ პოზიციის დასახელება, რომელზეც სურს რომ განხილულ იქნეს მისი კანდიდატურა. მაგ. პედიატრი - ბავშვთა სახლების მონიტორინგის მიმართულებით.

რეზიუმის სრულყოფილად წარმოდგენის გარეშე საკონკურსო განაცხადი არ განიხილება.

გასაუბრების ეტაპი შესაძლოა ჩატარდეს დისტანციურად.

კონკურსის ეტაპები:

1. წარმოდგენილი საკონკურსო განაცხადების (რეზიუმეების) კონკრეტული პოზიციის საკონკურსო მოთხოვნის შესაბამისად გადარჩევა;
2. გასაუბრება.