საქართველოს სახალხო დამცველის აპარატმა საკითხის შესწავლის შედეგად გამოარკვია, რომ სპეციალურ პენიტენციურ სამსახურს არ გააჩნია რაიმე სახის საზედამხედველო მექანიზმი, რითაც დაწესებულების ტერიტორიაზე მოქმედ კერძო საწარმოებში დასაქმებული ბრალდებულების/მსჯავრდებულების შრომითი უფლებების დაცვის მონიტორინგს განახორციელებდა.

შესაბამისად, 2024 წლის 26 დეკემბერს სახალხო დამცველმა წინადადებით მიმართა საქართველოს იუსტიციის მინისტრს პატიმართა შრომითი უფლებების დაცვის მიზნით განახორციელოს დამატებითი ღონისძიებები. კერძოდ:

• შეიმუშაოს მონიტორინგის მექანიზმი, რომელიც უზრუნველყოფს პენიტენციური დაწესებულებების ტერიტორიაზე მოქმედ კერძო საწარმოებში დასაქმებულ ბრალდებულთა/მსჯავრდებულთა შრომითი უფლებების სათანადო დაცვას (მათ შორის უზრუნველყოფს სამუშაო დროის ზუსტ აღრიცხვას), რათა დასაქმებული ბრალდებულის/მსჯავრდებულის შრომის უფლების დარღვევის ფაქტის გამოვლენა დამოკიდებული არ იყოს მხოლოდ დასაქმებული პირის საჩივარზე.