2024 թվականի հուլիսի 25-ին և 26-ին Վրաստանի Ժողովրդական պաշտպան Լևան Իոսելիանին աշխատանքային հանդիպում է ունեցել Վրաստանում գործող կրոնական կազմակերպությունների ներկայացուցիչների հետ։ Հանդիպմանը քննարկվել են կրոնի դերը երկրի զարգացման գործում, միջկրոնական համագործակցության խթանման, հանդուրժողականության միջավայրի, կրոնի և հավատքի ազատության հիմնական մարտահրավերներն ու դրանց լուծման ուղիները։

Հանդիպմանը մասնակցել են՝ Վրաստանի Հայ Առաքելական Ինքնավար Ուղղափառ Եկեղեցու, Համայն Վրաստանի Մահմեդական վարչության, Վրաստանի Հրեական Միության, Լատինական կաթոլիկների Կովկասի առաքելական վարչության, Վրաստանի Ավետարանական հավատքի եկեղեցու, Վրաստանի Ավետարանական լյութերական եկեղեցու և Աստվածաբանական խորհրդի և Վրաստանի Եզդիների կրոնական խորհրդի ներկայացուցիչներ:

Ժողովրդական պաշտպանը ժողովի մասնակիցներին ներկայացրեց գրասենյակի մանդատն ու գործունեությունը կրոնական ազատությունների պաշտպանության ուղղությամբ։ Նա խոսեց նաև կրոնական հողի վրա կատարված ենթադրյալ ատելության հանցագործությունների հետաքննության մասին։

Աշխատանքային հանդիպմանը կրոնի ազատության համատեքստում քննարկված հարցերի թվում էին զինծառայողների պարտադիր զորակոչի նոր համակարգը և ռեզերվում ընդգրկված քաղաքացիների խոստովանության հիման վրա տվյալների մշակման կարգը. կրոնական և պաշտամունքային շինությունների՝ մշակութային ժառանգության հուշարձանների պահպանության, վերականգնման, պատկանելության, շինթույլտվություն ստանալու հարցեր: Քննարկվել է նաև կրոնական փոքրամասնություններին ուղղված Ժողովրդական պաշտպանի հանձնարարականը՝ ցանկության դեպքում կրոնական տոների ընթացքում երաշխավորված հանգստի հնարավորության և հանրակրթական ուսումնական հաստատություններում կրոնի դասավանդման ներկայիս պրակտիկայի վերաբերյալ։