Վրաստանի Ժողովրդական պաշտպանը արձագանքում է քաղաքացիների, այդ թվում՝ իրավապաշտպանների դեմ վերջին հարձակումների փաստերին։ Այսօր՝ հունիսի 11-ին, տեղեկություն է տարածվել քաղաքացիական ակտիվիստ Զուկա Բերձենիշվիլիի նկատմամբ ֆիզիկական հարձակման մասին։

Քաղաքացիների նկատմամբ ֆիզիկական հաշվեհարդարի փաստերը տագնապալի են, հատկապես, եթե հարձակման պատճառը կապված է մասնագիտական ​​գործունեության և/կամ արտահայտած կարծիքի հետ։ Պետության կողմից յուրաքանչյուր բռնի միջադեպին պետք է խիստ և համապատասխան արձագանք տալ, որպեսզի նման դեպքերը զանգվածային կազմակերպված հալածանքների և բռնությունների ձև չստանան, նման գործողությունները չխրախուսվեն հասարակության մեջ։

Ժողովրդական պաշտպանը նաև ընդգծում է, որ քաղաքացիական սեկտորի և իրավապաշտպանների հասցեին քաղաքական գործիչների կողմից արված զրպարտչական հայտարարություններն էլ ավելի վախեցնող միջավայր են ստեղծում նրանց համար և, հաշվի առնելով երկրում առկա համատեքստը, պարունակում են նրանց նկատմամբ բռնությունը խրախուսելու էական սպառնալիքներ։

Վրաստանի Ժողովրդական պաշտպանը կոչ է անում քննչական մարմիններին անհապաղ արձագանքել քաղաքացիների վրա ֆիզիկական հարձակումների փաստերին և հանրությանը տեղեկացնել ձեռնարկված միջոցառումների մասին։