Թուրքմենստանի Մարդու իրավունքների հանձնակատար (օմբուդսմեն) Յազդուրսուն Գուրբաննազարովան, Թուրքմենստանի օմբուդսմենի տեղակալ Նուրի Կոմեկովը և Թուրքմենստանի արտաքին գործերի նախարարության միջազգային կազմակերպությունների դեպարտամենտի կցորդ Բագուլ Քերիմովան աշխատանքային այցով եղել են Վրաստանի Ժողովրդական պաշտպանի գրասենյակում։

Հուլիսի 25-ին Թուրքմենստանի օմբուդսմենը հանդիպել է Վրաստանի Ժողովրդական պաշտպան Լևան Իոսելիանիի և Ժողովրդական պաշտպանի տեղակալների հետ։ Ներածական հանդիպմանը Ժողովրդական պաշտպանը հյուրերի հետ կիսեց գրասենյակի գործունեության լավագույն փորձը:

Աշխատանքային այցի շրջանակներում Թուրքմենստանի պատվիրակությունը հանդիպումներ է ունենում Ժողովրդական պաշտպանի գրասենյակի առանձին ստորաբաժանումների, այդ թվում՝ Ազգային կանխարգելման մեխանիզմի անդամների, գենդերային, երեխաների իրավունքների, հաշմանդամների իրավունքների, մարդու իրավունքների կրթության և իրավահավասարության բաժինների, ինչպես նաև Հանդուրժողականության կենտրոնի ներկայացուցիչների հետ։

Նախատեսվում է այցելություն Գորիի գրասենյակ՝ ծանոթանալու Ժողովրդական պաշտպանի գրասենյակի տարածքային գրասենյակների աշխատակիցների աշխատանքային առանձնահատկություններին։