Վրաստանի Ժողովրդական պաշտպան Նինո Լոմջարիան և Ժողովրդական պաշտպանի տեղակալ Գիորգի Բուրջանաձեն հանդիպել են Իսպանիայի խորհրդարանական պատվիրակության հետ։ Կոնգրեսի արտաքին հարաբերությունների հանձնաժողովի նախագահ Պաու Մարի Կլոզեի և պատվիրակության անդամների հետ քննարկման հիմնական թեմաներն էին Եվրամիությանը ինտեգրման գործընթացը և 12 կետից բաղկացած ծրագիրը։

Խորհրդարանական պատվիրակության անդամներին հետաքրքրում էր Ժողովրդական պաշտպանի տեսլականը ծրագրում շարադրված կետերի իրականացման հարցում։ Բացի այդ, Ժողովրդական պաշտպանը ուշադրություն է հրավիրել Վրաստանի ժողովրդավարական զարգացման համար թեկնածուի կարգավիճակի տրամադրման կարևորության և այն բացասական հետևանքների վրա, որոնք կարող են հետևել Եվրամիության կողմից թեկնածուի կարգավիճակի մերժմանը։

Նինո Լոմջարիան շնորհակալություն է հայտնել իսպանական պատվիրակության անդամներին նշված հարցում աջակցության և հետաքրքրության համար։