2024 թվականի փետրվարի 9-ին, Վրաստանի Ժողովրդական պաշտպան Լևան Իոսելիանին մասնակցել է Բաթումում կայացած «Տեխնոլոգիաների դարաշրջանում ներառական և բազմազան ընտրություններ» բարձր մակարդակի միջոցառմանը։

Համաժողովին մասնակցել են Վրաստանի խորհրդարանի նախագահը, խորհրդարանի անդամներ, Աջարիայի Ինքնավար Հանրապետության իշխանությունները, միջազգային կազմակերպությունների ներկայացուցիչներ։

Մասնակիցները քննարկեցին քաղաքական և ընտրական գործընթացներում երիտասարդության ներգրավվածության հայեցակարգային և ռազմավարական աջակցությունը, ներառական ընտրական գործընթացները, ներառյալ հաշմանդամություն ունեցող անձանց, էթնիկ, կրոնական և սեռական փոքրամասնությունների ներգրավվածության խնդիրները, երիտասարդների մասնակցության հետ կապված մարտահրավերներն ու հնարավորությունները քաղաքական և ընտրական գործընթացներում։

Վրաստանի Ժողովրդական պաշտպանն իր ելույթի ընթացքում խոսեց խոցելի խմբերի ընտրական գործընթացին մասնակցելու պարզեցված կանոնների և մեխանիզմների մասին։ Միջոցառմանը ելույթ ունեցան նաև՝ Աջարիայի Հանրապետության Գերագույն խորհրդի նախագահ Դավիթ Գաբաիձեն, Ընտրական համակարգերի միջազգային հիմնադրամի (IFES) նախագահ Անտոնի Բանբերին, Վրաստանի խորհրդարանի նախագահ Շալվա Պապուաշվիլին և IFES Վրաստանի ներկայացուցչության ղեկավար Ռենատա Լևովսկին։

Համաժողովը համատեղ կազմակերպել են Աջարիայի Ինքնավար Հանրապետության Գերագույն խորհուրդը, Ընտրական համակարգերի միջազգային հիմնադրամը (IFES) և ԱՄՆ Միջազգային զարգացման գործակալությունը (USAID):