2021 թվականի հուլիսի 12-ին, Վրաստանի խորհրդարանն ընդունել է բանաձև՝ «2020 թվականին Վրաստանում մարդու իրավունքների և ազատությունների պաշտպանության վիճակի վերաբերյալ» Վրաստանի ժողովրդական պաշտպանի զեկույցի կապակցությամբ: Բանաձևով Վրաստանի խորհրդարանը հանձնարարել է պետական ​​գերատեսչություններին, կատարել ժողովրդական պաշտպանի 2020 թվականի խորհրդարանական զեկույցի ժամանակ հրապարակած որոշակի հանձնարարականները:

Վրաստանի խորհրդարանը նախատեսել է ժողովրդական պաշտպանի հանձնարարականների 80%-ը (դրանց մոտ 6.3%-ը նախատեսվել է մասամբ): Վերը նշված տվյալների հիման վրա կարելի է ասել, որ Վրաստանի խորհրդարանի կողմից հանձնարարականների նախատեսման դինամիկան փոքր-ինչ բարելավվել է: (2020 թվականի բանաձևում Վրաստանի խորհրդարանը նախատեսել է ժողովրդական պաշտպանի խորհրդարանական զեկույցի առաջարկությունների 78.5%-ը, 2019 թվականին ՝ 78%-ը):

Ինչ վերաբերում է ժողովրդական պաշտպանի հանձնարարականների թեմաներին, որոնք չեն արտացոլվել բանաձևում, ապա այս առումով միտումը նման է նախորդ տարիներին: Այս տարի նույնպես Վրաստանի խորհրդարանի կողմից չնախատեսված հանձնարարականների հիմնական մասը վերաբերում էր՝ ԼԳԲՏ + համայնքի իրավական վիճակի բարելավմանը, սեռական և վերարտադրողական առողջության և իրավունքների հարցերի վերաբերյալ կրթության ապահովմանը, դպրոցականների կրոնական ինդոկտրինացիայից պաշտպանելուն, պետական ​​գերատեսչությունների կողմից կրոնական չեզոքության ապահովմանը և այլն: Բանաձևը չի արտացոլում նաև ժողովրդական պաշտպանի առաջարկությունները, որոնք կոչ են անում իրավապահ մարմիններին ապահովել թափանցիկության բարձր աստիճանը. Օրինակ՝ հատուկ գործողությունների ժամանակ իրավապահների թևերին տեսախցիկների տեղադրումը, ոստիկանության դեպարտամենտներում, վարչություններում և բաժանմունքներում տեսախցիկների տեղադրումը, բոլոր այն վայրերում, որտեղ պետք է ներկա լինեն ձերբակալվածը, վկան և կամավոր հարցաքննության հրավիրված անձը և այլն:

2020 թվականի խորհրդարանական զեկույցում, Վրաստանի ժողովրդական պաշտպանն ընդհանուր առմամբ 53 առաջարկություն է ուղղել Վրաստանի խորհրդարանին և Վրաստանի նախագահին: Կարևոր է, որ խորհրդարանի բանաձևի համաձայն ՝ ժամանակին ստեղծվի աշխատանքային խումբ, որը կքննարկի Վրաստանի խորհրդարանին ուղղված հանձնարարականները նախատեսելու հարցերը:

Ժողովրդական պաշտպանը կոչ է անում Վրաստանի խորհրդարանին `ամրապնդել խորհրդարանական վերահսկողության մեխանիզմները` իր կողմից տրված խնդիրների կատարման մոնիտորինգի գործընթացում, և իր հերթին պատրաստակամություն է հայտնում բոլոր ձևաչափերով համագործակցել պետական ​​գերատեսչությունների հետ `տրված խնդիրները լիարժեք իրականացնելու համար: