2022 թվականի մարտի 7-8-ը, Վրաստանի Ժողովրդական պաշտպանի ներկայացուցիչները Իտալիայի անազատության մեջ գտնվող անձանց իրավունքների ազգային երաշխավորի հրավերով գտնվում էին Հռոմում, որտեղ տեղի ունեցավ երկկողմ աշխատանքային հանդիպում Իտալիայի կանխարգելման ազգային մեխանիզմի հետ և ստորագրվեց փոխհամագործակցության հուշագիր:

Հանդիպմանը քննարկվել են անազատության մեջ գտնվող անձանց իրավունքների ազգային երաշխավորի և Վրաստանի Ժողովրդական պաշտպանի հետագա համագործակցության հարցերը, հարկադիր վերադարձի գործողությունների ժամանակ կիրառվող մեթոդաբանությունները, մոնիտորինգի կանխարգելիչ գործառույթին առնչվող այլ համապատասխան հարցեր։ Այցի շրջանակներում Ժողովրդական պաշտպանի գրասենյակի ներկայացուցիչներն այցելել են Հռոմի բանտերից մեկը։

Մարտի 7-ին Իտալիայի անազատության մեջ գտնվող անձանց իրավունքների ազգային երաշխավոր Մաուրո Պալման և Ժողովրդական պաշտպանի առաջին տեղակալ Թամար Գվարամաձեն ստորագրել են փոխհամագործակցության համաձայնագիր՝ վերահսկելու վերադարձի գործողությունները, որով երկու ինստիտուտները տեղեկատվություն կփոխանակեն և ակտիվորեն կհամագործակցեն Իտալիայից Վրաստան հարկադիր վերադարձի հարցում: Ստորագրման արարողությանը ներկա է եղել նաև Իտալիայի Հանրապետությունում Վրաստանի հյուպատոս Նատալյա Կորձաիան։

Իտալիայի կանխարգելման ազգային մեխանիզմի և Վրաստանի Ժողովրդական պաշտպանի գրասենյակի միջև ձեռք բերված համաձայնությունը համագործակցության նոր և յուրահատուկ ձևաչափ է։ Այս տեսակի համաձայնագիրը կողմերին հնարավորություն է տալիս համատեղ վերահսկել մարդու իրավունքների պաշտպանությունը վերադարձի գործողության բոլոր փուլերում և պետական ​​մարմինների կողմից իրենց պարտավորությունների պատշաճ կատարումը:

Հանդիպումները կազմակերպվել են Իտալիայի Ազգային Երաշխավորի գրասենյակի կողմից՝ ապաստանի, միգրացիայի և ինտեգրման հիմնադրամի (AMIF) «Հարկադիր վերադարձի մոնիտորինգի համակարգի ներդրման» նախագծի (Implementation of a forced return monitoring system) շրջանակներում։