2024 թվականի փետրվարի 28-ին, Վրաստանի Ժողովրդական պաշտպան Լևան Իոսելիանին և Ժողովրդական պաշտպանի տեղակալ Իրինե Չիխլաձեն հանդիպել են պաշտոնական այցով Վրաստանում գտնվող Գերմանիայի Դաշնային Հանրապետության խորհրդարանի իրավական հանձնաժողովի նախագահ Էլիզաբեթ Վինկել-Մայեր Բեքերի և պատվիրակության այլ անդամների հետ։

Հանդիպմանը Ժողովրդական պաշտպանը պատվիրակության անդամներին ներկայացրել է գրասենյակի մանդատը: Նա խոսել է երկրում ընթացող արդարադատության բարեփոխումների և օրենքի գերակայության խնդիրների, քրեակատարողական հիմնարկներում տիրող իրավիճակի և Ժողովրդական պաշտպանի գրասենյակի կողմից փակված հիմնարկների մոնիտորինգի մեխանիզմների մասին։

Բազմակողմ քննարկման ընթացքում քննարկվել են օկուպացված տարածքներում մարդու իրավունքների պաշտպանության խնդիրներն ու օկուպացիոն գծին հարակից բնակավայրերի բնակիչների անվտանգության խնդիրները։ Խոսվեց նաև փոքրամասնությունների առջև ծառացած մարտահրավերների և գենդերային իրավահավասարության խնդիրների մասին։

Եվրամիության հանձնարարականների իրականացման գործընթացը քննարկելիս Ժողովրդական պաշտպանը շեշտը դրեց երկրում արևմտյան, ժողովրդավարական արժեքների հաստատմանն ուղղված ապարատի ներգրավման և ակտիվ աշխատանքի վրա։

Պատվիրակության անդամները հետաքրքրվել են նաև Վրաստանի երրորդ նախագահ Միխեիլ Սաակաշվիլիի առողջական վիճակով և Ժողովրդական պաշտպանի բժիշկ-փորձագետների կողմից նրա բուժման գնահատման արդյունքներով։

Վրաստանից հետո Գերմանիայի Դաշնային Հանրապետության խորհրդարանական պատվիրակությունը Կովկաս կատարած այցի շրջանակներում կմեկնի Հայաստան և Ադրբեջան։