«Հաշմանդամություն ունեցող անձանց կրթության իրավունքը Կովիդ համավարակի պայմաններում»
2021 թվականի նոյեմբերի 10-ին, Վրաստանի Ժողովրդական պաշտպանը, Մարդու իրավունքների ազգային ինստիտուտների եվրոպական ցանցի (ENNHRI) հետ համատեղ անց է կացրել միջազգային վեբինար՝ «Հաշմանդամություն ունեցող անձանց կրթության իրավունքը Կովիդ համավարակի պայմաններում» թեմայով։
Վեբինարին զրուցել են համավարակի ժամանակաշրջանում հաշմանդամություն ունեցող անձանց կրթության իրավունքի ուղղությամբ գոյություն ունեցող մարտահրավերների մասին և փոխանակվել լավագույն փորձով, մեթոդական փորձով և բարձրորակ ներառական կրթության վերաբերյալ տեսակետներով: Առցանց հանդիպումը վարում էր Վրաստանի Ժողովրդական պաշտպանի տեղակալ Էկատերինե Սխիլաձեն, ով նախագահում է ENNHRI-ի հաշմանդամություն ունեցող անձանց աշխատանքային խումբը։
Միջոցառումը բացել են Վրաստանի Ժողովրդական պաշտպան Նինո Լոմջարիան և ENNHRI-ի գլխավոր քարտուղար Դեբի Քոները։ Ելույթ ունեցան նաև ՄԱԿ-ի հաշմանդամություն ունեցող անձանց իրավունքների հանձնաժողովի գլխավոր քարտուղարի պաշտոնակատար Կատերինե Պեդրերոսը և Հաշմանդամության եվրոպական ֆորումի (EDF) գործադիր տնօրեն Մաուրեն Պիգոտը:
Խորվաթիայի, Լատվիայի, Չեխիայի և Իռլանդիայի Մարդու իրավունքների ազգային ինստիտուտների / օմբուդսմենների գրասենյակների ներկայացուցիչները կիսվեցին իրենց երկրների փորձով: Մասնակիցները խոսեցին նաև այն խնդիրների մասին, որոնց բախվում են աշակերտները, այդ թվում՝ հաշմանդամություն ունեցող անձինք հեռավար սովորելիս, և թե որքանով են պատրաստ պետությունները լուծելու այդ խնդիրները. Քննարկվել են հաշմանդամություն ունեցող անձանց համար ներառական կրթության կարևորությունը և ՄԱԿ-ի հաշմանդամություն ունեցող անձանց իրավունքների հռչակագրի 24-րդ հոդվածում ամրագրված չափանիշները, ինչպես նաև մարդու իրավունքների ազգային ինստիտուտների և քաղաքացիական հասարակության դերը ներառական կրթության քարոզչության գործում:
