2020 թվականի դեկտեմբերի 4-ին Վրաստանի Մարդու իրավունքների պաշտպան Նինո Լոմջարիան մասնակցեց ՄԱԿ-ի Բնակչության ֆոնդի (UNFPA) միջոցառմանը, որը նվիրված էր հաշմանդամություն ունեցող կանանց և աղջիկների սեռական և վերարտադրողական առողջության և իրավունքների օրենսդրական վերլուծության, պետական ծրագրերի և առաջարկությունների վերանայմանը:

Հանդիպման ընթացքում Մարդու իրավունքների պաշտպանը խոսեց սեռական և վերարտադրողական առողջության և իրավունքների քննարկման կարևորության մասին` կանանց իրավունքների կարգավիճակի և գենդերային հավասարության վերաբերյալ հասարակության իրազեկվածության բարձրացման համար: Ուշադրությունը հրավիրեց խոցելի խմբերի, հատկապես հաշմանդամություն ունեցող կանանց և աղջիկների կարիքները և նրանց առջև ծառացած խնդիրների վրա:

«ՄԱԿ-ի Բնակչության ֆոնդի Վրաստանում գրասենյակի հետ երկարատև և կայուն համագործակցության արդյունքում սեռական և վերարտադրողական առողջության իրավունքների վերահսկումը դարձել է Մարդու իրավունքների գործունեության ոլորտների բաղկացուցիչ մասը: 2017 թվականից ի վեր մի շարք ուսումնասիրություններ և մոնիտորինգ ենք իրականացրել, ամրապնդվել է մեր կազմակերպական կարողությունները և դրական տեղաշարժեր ենք կատարել այս ուղղությամբ առկա պետական քաղաքականության մեջ», - իր ողջույնի խոսքում ասաց Մարդու իրավունքների պաշտպանը:

Մարդու իրավունքների պաշտպանի գնահատումներով, հատկապես կարևոր է առողջապահական անձնակազմի վերապատրաստումը` հաշմանդամություն ունեցող կանանց վերարտադրողական առողջության հետ կապված համապատասխան կարիքների համար: Այնուամենայնիվ, խնդիր է հանդիսանում՝ սայլակ օգտագործողների, լսողության և տեսողության խնդիրներ ունեցող մարդկանց համար բժշկական հաստատությունների ֆիզիկական միջավայր մուտք ունենալը: Խնդիր է նաև հանդիսանում լսողության խնդիրներ ունեցող կանանց թարգմանչի ծառայություն մատուցելը: Արդյունքում, նրանց հաճախ չեն տրամադրում գաղտնի ծառայություններ։

Սեռական և վերարտադրողական առողջության և իրավունքների վերահսկումը հանդիսանում է Մարդու իրավունքների գործունեության առաջնահերթությունը և կարևոր մասը: Այս կապակցությամբ ՄԱԿ-ի Բնակչության հիմնադրամի ստորաբաժանումը և Թբիլիսիի բժշկական համալսարանը ակտիվորեն համագործակցում են մինչեւ հղիությունը, հղիության ընթացքում, ծննդաբերության ժամանակ և ծննդաբերությունից հետո կանանց առողջության հոգես-սոցիալական կարիքները հոգալու համար առցանց դասընթացների մշակման ուղղությամբ: