Վրաստանի Ժողովրդական պաշտպանը արձագանքում է Վրաստանի խորհրդարանի պատգամավոր Ռատի Յոնաթամիշվիլիի պատկերով ֆոտոմոնտաժի տարածմանը, որն ուղեկցվում է նվաստացուցիչ մեկնաբանություններով։

Ժողովրդական պաշտպանը նշում է, որ նման գործողություններն անընդունելի են, քանի որ դրանք ամրապնդում են վնասակար կարծրատիպերը և խարանը հաշմանդամների նկատմամբ։ Կարևոր է, որ մեր խոսքերն ու գործողությունները չվնասեն ուրիշներին կամ չամրապնդեն առկա կարծրատիպերը:

Վրաստանի Ժողովրդական պաշտպանը կարևորում է իրավահավասարությունը՝ որպես առողջ հասարակության ձևավորման հիմք, որտեղ բոլոր մարդկանց վերաբերվում են հարգանքով և արժանապատվությամբ։

Ժողովրդական պաշտպանը կոչ է անում բոլորին զերծ մնալ այլոց արժանապատվությունը ոտնահարող այս տեսակի գործողություններից։