Gürcüstanın Xalq Müdafiəçisi Gürcüstan parlamentinin üzvü Rati Yonatamişvilinin alçaldıcı şərhlərlə müşayiət olunan fotomontajının yayılmasına cavab verib.

Xalq Müdafiəçisi qeyd edir ki, bu cür hərəkətlər yolverilməzdir, çünki məhdud imkanlı şəxslərə qarşı zərərli stereotipləri və stiqmanı gücləndirir. Sözlərimizin və hərəkətlərimizin başqalarına zərər verməməsi və ya mövcud stereotipləri gücləndirməməsi vacibdir.

Gürcüstanın Xalq Müdafiəçisi bütün insanlara hörmət və ləyaqətlə yanaşıldığı sağlam cəmiyyətin formalaşmasının əsası kimi bərabərliyin vacibliyini vurğulayır.

Xalq Müdafiəçisi hər kəsi başqalarının ləyaqətinə xələl gətirən bu tip hərəkətlərdən çəkinməyə çağırır.