Մարտի 8-ին՝ Կանանց միջազգային օրը, մենք միանում ենք միջազգային հանրությանը «Բոլոր կանանց և աղջիկների համար. իրավունքներ, հավասարություն, հզորացում» թեմայով: Այս տարվա թեման ընդգծում է բոլոր կանանց և աղջիկների համար հավասար իրավունքների և հնարավորությունների ապահովման անհրաժեշտությունը և կոչ է անում մեզ ավելին անել իրական փոփոխությունների հասնելու համար:

Կանայք վճռորոշ դեր ունեն մեր երկրի զարգացման գործում: Նրանց քրտնաջան աշխատանքը, ջանքերը և քաջությունը ստեղծում են ավելի արդար և իրավահավասար հասարակություն: Այնուամենայնիվ, մի շարք մարտահրավերներ դեռևս պահպանվում են, ներառյալ ընտանեկան բռնությունը և կանանց նկատմամբ բռնությունը, տնտեսական խոչընդոտները, կարիերայի առաջխաղացման դժվարությունները, կարծրատիպերի դեմ պայքարը, կանանց իրավական պաշտպանության բարելավումը, ծառայությունների հասանելիությունը և այլն: Այս առումով ուշագրավ է Վրաստանի խորհրդարանի կողմից պարտադիր քվոտայի մեխանիզմի վերացումը և գենդերային իրավահավասարության վերաբերյալ նախաձեռնված փոփոխությունների օրենսդրական փաթեթը, հատկապես այն համատեքստում, երբ կանայք առօրյայում բախվում են տեսանելի և անտեսանելի խոչընդոտների՝ ինչպես քաղաքական, այնպես էլ հասարակական կյանքում։

Վրաստանի Ժողովրդական պաշտպանը կոչ է անում կառավարությանը ուժեղացնել ջանքերը և արդյունավետ քայլեր ձեռնարկել երկրում կանանց իրավունքների պաշտպանությունն ապահովելու համար։