8 Mart Beynəlxalq Qadınlar Günündə biz beynəlxalq ictimaiyyətə “Bütün Qadınlar və Qızlar üçün: Hüquqlar, Bərabərlik, Gücləndirmə” mövzusu ilə qoşuluruq. Bu ilin mövzusu bütün qadınlar və qızlar üçün bərabər hüquq və imkanların təmin edilməsinin zəruriliyini vurğulayır və bizi real dəyişikliklərə nail olmaq üçün daha çox iş görməyə çağırır.

Qadınlar ölkəmizin inkişafında mühüm rol oynayırlar. Onların zəhməti, səyi və cəsarəti daha ədalətli və bərabərhüquqlu cəmiyyət yaradır. Buna baxmayaraq, bir sıra problemlər hələ də qalmaqdadır, o cümlədən ailə zorakılığı və qadınlara qarşı zorakılıq, iqtisadi maneələr, karyera yüksəlişində çətinliklər, stereotiplərlə mübarizə, qadınların hüquqi müdafiəsinin yaxşılaşdırılması, xidmətlərə çıxış imkanları və s. bu baxımdan, Gürcüstan Parlamentinin məcburi kvota mexanizminin ləğvi və gender bərabərliyi ilə bağlı təşəbbüslə irəli sürülən qanunvericilik paketi, xüsusən də qadınların istər siyasi, istərsə də ictimai həyatda hər gün görünən və görünməyən maneələrlə üzləşməsi kontekstində diqqətəlayiqdir.

Gürcüstanın Xalq Müdafiəçisi hökuməti ölkədə qadınların hüquqlarının müdafiəsini təmin etmək üçün səylərini gücləndirməyə və təsirli addımlar atmağa çağırır.