2024 թվականի նոյեմբերի 7-ին Վրաստանի Ժողովրդական պաշտպան Լևան Իոսելիանին հանդիպել է ուդիներով բնակեցված Զինոբիանի գյուղի բնակիչների և Տիվի գյուղում բնակվող ավար համայնքի ներկայացուցիչների հետ։

Հանդիպումների ընթացքում խոսվել է էթնիկ փոքրամասնությունների ինքնության, նրանց մշակույթի և հատկապես մայրենի ուդի և ավար լեզուների պահպանման կարևորության մասին։ Նրանք ընդգծեցին դասագրքերի անհրաժեշտությունը թե՛ աշակերտների, թե՛ ուսուցիչների համար, և նշեցին, որ աշակերտներն իրենց լեզուն սովորում են անցյալ դարի 80-ականներին հրատարակված հնացած գրքերի լուսապատճեններով։ Հանդիպմանը քննարկվել են ենթակառուցվածքային խնդիրները, այդ թվում՝ խմելու ջրի և հասարակական տրանսպորտի հասանելիությունը, ինչպես նաև առողջապահական ծառայությունները։

Կախեթիի շրջանի բնակչության հետ կայացած հանդիպումներին մասնակցել են Ժողովրդական պաշտպանի տեղակալ Իրինե Չիխլաձեն, ինչպես նաև կենտրոնական գրասենյակի և տարածաշրջանային գրասենյակի աշխատակիցներ։