2020 թվականի հոկտեմբերի 19-ին Վրաստանի Մարդու իրավունքների պաշտպան Նինո Լոմջարիան հանդիպեց Կենտրոնական ընտրական հանձնաժողովի նախագահ Թամար Ժվանիային և ծանոթացավ հանձնաժողովի առջև դրված խնդիրներին և հնարավոր խոչընդոտներին: Նրանք քննարկեցին նաև արդար, հավասար և ազատ ընտրություններ անցկացնելու ԿԸՀ-ի պատրաստակամությունը:

Մարդու իրավունքների պաշտպանը մասնավորապես հետաքրքրվեց հիվանդանոցներում տեղակայված, կարանտինում և մեկուսացված քաղաքացիների ընտրական իրավունքի պաշտպանության հարցերով: Հանդիպմանը քննարկվեց նաև հաշմանդամություն ունեցող անձանց իրավունքները և նրանց համար ընտրական միջավայրը հարմարեցնելու խնդիրները:

«Շատ կարեւոր է, որ մեկուսացված ընտրողները կարողանան մասնակցել ընտրություններին, և նրանց ձայները չկորչեն: Եթե ընտրողները և ընտրական գործընթացում ներգրավված անձինք խստորեն պահպանեն անվտանգության սահմանված կանոնները ինչպես քվեարկության տեղամասում, այնպես էլ դրսում, կարծում եմ, որ վարակի տարածման ռիսկը զգալիորեն կկրճատվի», - ասաց Մարդու իրավունքների պաշտպանը հանդիպման ավարտին:

Հանդիպմանը մասնակցում էին նաև Մարդու իրավունքների պաշտպանի տեղակալ Գեորգի Բուրջանաձեն, Կենտրոնական ընտրական հանձնաժողովի անդամ Գեորգի Ձագանիան և միջազգային հարաբերությունների և արարողակարգի վարչության պետ Թամար Կապանաձեն: