2024 թվականի օգոստոսի 7-ին՝ պատերազմի 16-րդ տարելիցին, Վրաստանի Ժողովրդական պաշտպան Լևան Իոսելիանին այցելել է օկուպացիոն գծի մոտ գտնվող Գորակա և Սակորինթլո գյուղեր, հանդիպել տեղի բնակչության հետ և լսել նրանց խնդիրները։

«Ցավոք սրտի, 16 տարի անց նորից պետք է խոսենք օկուպացիայի մասին, որն իսկապես կործանարար է քաղաքացիների, այստեղ ապրող մարդկանց համար։

Շատ առումներով կործանարար: Սկսած անվտանգությունից, վերջացրած նրանց տեղահանմամբ, այս ամենը վերջնականապես բարդանում է նրանով, որ պարբերաբար տեսնում ենք նման իրադարձություններ, իրավիճակի այնպիսի սրացում, ինչպիսին տեսանք Կիրբալիում, ցավալի փաստ, երբ սպանվեց Թամազ Գինթուրին»,- ասել է Ժողովրդական պաշտպան Լեւան Իոսելիանին։

Գյուղացիները հիմնական խնդիրներից են անվանում ոռոգման ջրի բացակայությունը, հողը մշակելու համար պահանջում են նաև հատուկ տեխնիկա։ Երիտասարդությունը չունի մարզադաշտ, շրջակայքում չկա մշակույթի տուն կամ որևէ տեսակի հավաքատեղի բնակչության համար։ Խնդիր է նաև պետական ​​ծառայությունների մասին տեղեկացված չլինելը։

Ժողովրդական պաշտպանը շարունակում է վերահսկել օկուպացիոն գծին մոտ գտնվող գյուղերը և իշխանությունների հետ պաշտպանել այն խնդիրները, որոնք հիմնական մարտահրավերն են տեղի բնակչության համար։