Ժողովրդական պաշտպանի հայտարարությունը Կիրբալի գյուղի մոտ Վրաստանի քաղաքացու սպանության և մեկ քաղաքացու ապօրինի բերման ենթարկելու մասին
2023 թվականի նոյեմբերի 6-ին Վրաստանի Պետական անվտանգության ծառայությունը տեղեկություն է հրապարակել Գորիի մունիցիպալիտետի Կիրբալի գյուղի մոտ, օկուպացված տարածքում տեղի բնակչին ապօրինի կերպով ձերբակալելու փորձի ժամանակ Ռուսաստանի օկուպացիոն ուժերի կրակոցների հետևանքով Վրաստանի քաղաքացու սպանության և մեկ քաղաքացու ապօրինի ձերբակալության մասին։
Ժողովրդական պաշտպանը կոչ է անում Վրաստանի իշխանություններին, ինչպես նաև մարդու իրավունքների պաշտպանության և մոնիտորինգի միջազգային կազմակերպություններին առավելագույն ջանքեր գործադրել վերոնշյալ փաստի արդյունավետ հետաքննության, մեղավորներին պատժելու և Ռուսաստանի Դաշնության վրա պատասխանատվության ենթարկելու համար։
Մարդու իրավունքների մեկ այլ լուրջ խախտում է այն փաստը, որ Վրաստանի չորս քաղաքացիների՝ Դավիթ Բաշարաուլիի, Գիգա Օթխոզորիայի, Արչիլ Տատունաշվիլիի և Իրակլի Կվարացխելիայի մարդասպանները չեն պատժվել, ինչի պատասխանատվությունը կրում է Ռուսաստանի Դաշնությունը։ Նաև, շարունակվում է օկուպացիոն ռեժիմի կողմից այսպես կոչված սահմանն ապօրինի հատելու համար մարդկանց ապօրինի բերման ենթարկելու պրակտիկան: Նման գործողությունների անպատժելիությունը հատկապես վտանգի տակ է դնում Վրաստանի քաղաքացիներին։
Ժողովրդական պաշտպանը հայտնում է իր խորին վիշտն ու ցավակցում է մահացածի ընտանիքի անդամներին:
