Ամեն տարի, ապրիլի 2-ին աշխարհում նշվում է աուտիզմի վերաբերյալ իրազեկվածության բարձրացման օրը: Ընթացիկ տարի, այս օրը նշելու շրջանակներում, Միավորված ազգերի կազմակերպության կողմից ուշադրությունը կենտրոնացված է համավարակի պայմաններում, աշխարհում հստակ ընդգծված անհավասարության վրա, ինչը բացասաբար է ազդել աուտիզմով տառապող մարդկանց վրա:

ՄԱԿ-ի գլխավոր քարտուղարի 2021 թվականի ուղերձում ասված է, որ հետկովիդյան ժամանակաշրջանի հիմնական նպատակը պետք է լինի ավելի ընդգրկուն և մատչելի աշխարհի կառուցումը, որում ճանաչված կլինեն բոլոր մարդկանց ներդրումները: Այն բանի համար, որ կատարվի 2030 թվականի կայուն զարգացման օրակարգը, կարևոր է իրականացնել հաշմանդամություն ունեցող անձանց, այդ թվում` աուտիզմ ունեցող անձանց իրավունքները, ապահովելու նրանց լիարժեք մասնակցությունը սոցիալական, մշակութային և տնտեսական կյանքին:

Կորոնավիրուսով առաջացած իրավիճակի ֆոնին, Վրաստանում բնակվող աուտիզմով տառապող մարդիկ բախվել են մի շարք մարտահրավերների: Էլ ավելի բարդացավ պատշաճ կերպով իրականացնել իրենց իրավունքները:

Պետությունը դեռ չի տրամադրում այդ անհատների անհատական ​​կարիքներին հարմարեցված ծրագրեր: Խնդրահարույց է առողջապահական հաստատությունների և ծառայությունների մատչելիությունը, ոչ հարմարեցված բժշկական ծառայությունները: Մարտահրավեր է բժշկական անձնակազմի հետ հաղորդակցվելու բարդությունը: Չեն իրականացվում աուտիզմով տառապող անձանց և նրանց ընտանիքների համար սոցիալական և հոգեբանական աջակցության բնույթի աջակցող միջոցառումներ:

Թերություններով է ընթանում ներառական կրթական գործընթացում աուտիզմ ունեցող անձանց ընդգրկելը: Երկրում առկա սոցիալական պաշտպանության համակարգը չի համապատասխանում գոյություն ունեցող մարտահրավերներին: Դեռևս հիմնախնդիր է ներկայացնում հասարակության կողմից խարանն ու սխալ դիրքորոշումը:

Ժողովրդական պաշտպանը կոչ է անում պետությանը ավելի շատ ջանքեր գործադրել, աուտիզմով տառապող մարդկանց իրավունքները պաշտպանելու համար: Ժամանակին լուծել առողջապահության, կրթության, սոցիալական պաշտպանության ոլորտում գոյություն ունեցող խնդիրները: Ստեղծել ժամանակակից մատչելի ծառայություններ և սպասարկումներ, աուտիզմով տառապող բոլոր անձանց համար: Հոգ տանել նրանց ինքնուրույն կյանքի համար անհրաժեշտ հմտությունների ձեռքբերման / զարգացման մասին: Աջակցություն ցուցաբերել աուտիզմով տառապող ընտանիքներին, ձեռնարկելով դրական գործողություններ: