Վրաստանի Մարդու իրավունքների պաշտպանը արձագանքում է Գիորգի Շաքարաշվիլիի սպանության գործով մեղադրյալների փաստաբաններին չհրապարակելու պարտավորությունների պարտադրմանը և գտնում է, որ պաշտպանական կողմի բացահայտման պարտավորության անհիմն պարտադրումը կարող է խախտել կողմերի հավասարության իրավունքները:

Վրաստանի դատախազությունը 2020 թվականի օգոստոսի 12-ին հանձնարարեց Գիորգի Շաքարաշվիլիի կանխամտածված սպանության մեջ մեղադրվող 5 անձանց փաստաբաններին զերծ մնալ քրեական գործի նյութերն ու տվյալները բացահայտելուց: Դատախազությունում փաստաբաններին բացատրեցին, որ հակառակ դեպքում նրանք կարող են ենթարկվել քրեական պատասխանատվության: Հատկանշական է, որ փաստաբաններից ոմանք՝ այս պատճառով հրաժարվել են տրամադրել գործի նյութերը:

Դատավարական օրենքի համաձայն՝ դատախազությունը լիազորված է պարտավորեցնել գործընթացի մասնակցիներին՝ առանց իրենց թույլտվության չբացահայտել գործում առկա տեղեկությունները: Սակայն, այդ լիազորությունը չպետք է իրականացվի քրեական դատավարության հիմնական սկզբունքների՝ մրցակցային դատավարության և զենքի հավասարության անտեսման հաշվին: Գործող մեխանիզմը բողոքարկվում է Վրաստանի Սահմանադրական դատարանում ։

Մեղադրական եզրակացությունը ներկայացնելու ընթացքում՝ դատախազությունը հասարակությանը տրամադրեց գործով առկա ապացույցները, հետաքննության վարկածը և համապատասխան գրաֆիկական վերակառուցումը: Այս պայմաններում, բնականաբար, պաշտպանական կողմը պետք է նաև հնարավորություն ունենա հավասարապես խոսելու գործի նյութերի մասին և հասարակությանը տրամադրի իր կարծիքն ու դիրքորոշումը այդ հարցի վերաբերյալ:

Մարդու իրավունքների պաշտպանը գտնում է, որ տվյալ դեպքում փաստաբանների համար նման պարտավորություն սահմանելը չի համապատասխանում քրեական դատավարության օրենսդրության նպատակներին և այն սխալ պրակտիկայի շարունակությունն է, որն ուղղված է պաշտպանական կողմին անուղղակիորեն անհավասար դիրքում դնելուն: Վրաստանի Մարդու իրավունքների պաշտպանը Վրաստանի դատախազությանը կոչ է անում ապահովել քրեական դատավարության ընթացքում զենքի հավասարության սկզբունքի պահպանումը` կապված գործի նյութերի բացահայտման հետ:

Սույնով մենք բոլոր կողմերին կոչ ենք անում առավելագույնս պահպանել եւ հարգել քրեական գործերում ներգրավված անձանց (վկաների, տուժողների, ամբաստանյալների) իրավունքները: Սա կարևոր հանգամանք է ցանկացած հետաքննության արդյունավետ և պատշաճ անցկացման և մարդու իրավունքների պաշտպանության համար: