Վրաստանի Ժողովրդական պաշտպան Լևան Իոսելիանին հանդիպել է գլխավոր դատախազ Իրակլի Շոթաձեի հետ և խոսել հետագա համագործակցության ուղղությունների մասին։

Ներածական հանդիպմանը քննարկվել են գերատեսչությունների միջև համագործակցության կարևորությունը, ձևաչափը և համակարգման մեխանիզմները, կարևորվել է քրեական արդարադատության քաղաքականությունը, կանխարգելիչ միջոցների կիրառման պրակտիկան, կանանց նկատմամբ բռնությունը և ֆեմիցիդը, անչափահասների արդարադատությունը, դատախազների մասնագիտացումը և այլ հարցեր։

Ժողովրդական պաշտպանը հույս հայտնեց, որ հետագա համագործակցությունն ու դրա շրջանակներում նախատեսված համատեղ միջոցառումները շոշափելի արդյունքներ կբերեն մի կողմից տուժողների, մյուս կողմից՝ մեղադրյալների ու դատապարտյալների իրավական կարգավիճակի բարելավման ուղղությամբ։

Հանդիպմանը մասնակցել են նաև Ժողովրդական պաշտպանի տեղակալներ Թամար Գվարամաձեն և Էլենե Ղուդուշաուրին, գլխավոր դատախազի տեղակալ Նաթիա Մերեբաշվիլին, Մարդու իրավունքների պաշտպանության դեպարտամենտի ղեկավար Սալոմե Շենգելիան։