2024 թվականի սեպտեմբերի 25-ին Վրաստանի Ժողովրդական պաշտպան Լևան Իոսելիանին և Ժողովրդական պաշտպանի տեղակալ Էլենե Ղուդուշաուրին հանդիպել են Միացյալ Թագավորության արտաքին գործերի, համագործակցության և զարգացման նախարարության (FCDO) Արևելյան Եվրոպայի և Կենտրոնական Ասիայի դեպարտամենտի տնօրեն՝ Քրիս Ալանի և Վրաստանում Մեծ Բրիտանիայի դեսպան Գարեթ Ուորդի հետ։

Կողմերը քննարկել են «Օտարերկրյա ազդեցության թափանցիկության մասին» Վրաստանի օրենքի կիրարկման ընթացքը և Ժողովրդական պաշտպանի կողմից պատրաստված դատարանի ընկերոջ կարծիքը օրենքի սահմանադրականության գնահատման վերաբերյալ։ Խոսվեց ընտրական օրենքում գենդերային քվոտաների վերացման վերաբերյալ Ժողովրդական պաշտպանի վերաբերմունքի, բողոքի ակցիաների ժամանակ ձերբակալվածների նկատմամբ ընթացող հետաքննության օբյեկտիվության, էթնիկ-կրոնական փոքրամասնությունների ներկայացուցիչների իրավական վիճակի մասին։

Հյուրերը հետաքրքրվել են նաև Վրաստանում նախընտրական շրջանի ընթացքով, ընտրությունների արդար անցկացման և մարդու իրավունքների պաշտպանության գործընթացում Ժողովրդական պաշտպանի դերով, լրատվամիջոցների ազատության և իրավունքների պաշտպանության գործունեության որակով։

Հանդիպմանը քննարկվել են Վրաստանի Ժողովրդական պաշտպանի գրասենյակի և Մեծ Բրիտանիայի դեսպանատան հետագա համագործակցության հարցեր։