Հոկտեմբերի 1-ը տարեցների միջազգային օրն է։ Ամեն տարի ՄԱԿ-ն այս օրվան արձագանքում է տարբեր թեմայով: Այս տարի տարեցների միջազգային օրվա թեման է՝ «Տարեցների կայունությունը փոփոխվող աշխարհում»։ Այս հարցերին և տարեցների իրավունքների պաշտպանության խնդիրներին էր նվիրված միջազգային համաժողովը, որը հյուրընկալել էր Վրաստանի Ժողովրդական պաշտպանի գրասենյակը՝ Միջերկրական ծովի օմբուդսմենների ասոցիացիայի (AOM) հետ համատեղ 2022 թվականի սեպտեմբերի 27-ին։

Միջազգային համաժողովի թեման էր՝ «Տարեցների իրավունքները և օմբուդսմենի և միջնորդ ինստիտուտների դերը»։ Միջերկրական ծովի օմբուդսմենների ասոցիացիայի (AOM) առաքելությունն է խթանել և պաշտպանել միջերկրածովյան երկրներում հիմնարար իրավունքները: Այս համագործակցությունը օգնում է ստանդարտացնել տարբեր օմբուդսմենների և միջնորդ հաստատությունների փորձը և ամրապնդել անդամների միջև հարաբերություններն ու համագործակցությունը:

Համաժողովին հրավիրված օմբուդսմենները և մարդու իրավունքների պաշտպանության հաստատությունների ներկայացուցիչները կիսվեցին ազգային, տարածաշրջանային և միջազգային մակարդակներում տարեցների իրավունքների պաշտպանության առումով լավագույն փորձով և նախաձեռնություններով:

Նինո Լոմջարիան իր խոսքում նշել է, որ տարեցների իրավունքների պաշտպանությունն ու խթանումը Վրաստանի Ժողովրդական պաշտպանի գրասենյակի գործունեության կարևոր ուղղություններից է։ Ժողովրդական պաշտպանն ուշադրություն է հրավիրում տարեցների իրավունքների պաշտպանության համակարգում առկա բացերի վրա՝ ինչպես ազգային, այնպես էլ միջազգային և տարածաշրջանային մակարդակներում։

«Այսօրվա համաժողովն այս ակտիվության ցուցադրումն է, և կարծում եմ, որ նմանատիպ միջոցառումները կարևոր են տարեցների իրավունքների պաշտպանության մեխանիզմի ամրապնդման և նրանց իրավունքների մասին իրազեկության բարձրացման առումով»,- նշել է Ժողովրդական պաշտպանը։

Նա խոսեց նաև ՄԱԿ-ի ծերացման հարցերով Գլխավոր ասամբլեայի բաց աշխատանքային խմբի (OEWG) մասին, որը 2010 թվականից աշխատում է տարեցների իրավունքների միջազգային շրջանակ ստեղծելու ուղղությամբ։ Աշխատանքային խմբի շրջանակներում Վրաստանի Ժողովրդական պաշտպանի գրասենյակն ամեն տարի ակտիվորեն մասնակցում է և ներկայացնում համապատասխան զեկույցներ երկրում տարեցների իրավական կարգավիճակի վերաբերյալ։

Ժողովրդական պաշտպանը հատուկ շնորհակալություն հայտնեց Միջերկրական օմբուդսմեններիի ասոցիացիային՝ համաժողովին աջակցության համար։

Համաժողովի բացման ժամանակ Վրաստանի խորհրդարանի Մարդու իրավունքների պաշտպանության և քաղաքացիական ինտեգրման հանձնաժողովի նախագահ Միխեիլ Սարջվելաձեն, խոսել է տարեցների իրավունքների պաշտպանության ուղղությամբ Վրաստանի Ժողովրդական պաշտպանի գրասենյակի հետ սերտ համագործակցության մասին:

Համաժողովի ընթացքում լսվեցին Միջերկրական ծովի ավազանի երկրների օմբուդսմենների ասոցիացիայի (AOM) նախագահի և Հունաստանի օմբուդսմեն դոկտոր Անդրեաս Պոտակիսի և Արևմտյան Ավստրալիայի օմբուդսմեն և Միջազգային օմբուդսմենների ինստիտուտի (IOI) նախագահ պարոն Քրիս Ֆիլդի տեսա-հայտարարությունները:

Համաժողովում քննարկվել է երկու հիմնական հարց. 1. Covid-19 համավարակի ազդեցությունը տարեցների վրա և օմբուդսմենի/միջնորդի ակտիվությունները և 2. Տարեցների իրավունքները թվային աշխարհում՝ մարտահրավերներ և հնարավորություններ։ Թեմատիկ նիստերում քննարկումները վարել է Վրաստանի Ժողովրդական պաշտպանի առաջին տեղակալ Թամար Գվարամաձեն։