2024 թվականի հունիսի 24-ին, Ժողովրդական պաշտպան Լևան Իոսելիանին այցելել է «Վիվամեդ» կլինիկայում գտնվող բանտարկյալներին, որոնց թվում հանդիպել է Վրաստանի երրորդ նախագահ Միխեիլ Սաակաշվիլիի հետ։

Ժողովրդական պաշտպանի խոսքով՝ ելնելով իր կոմպետենտությունից և հաշվի առնելով հիվանդի իրավունքները, ինքը չի կարող խոսել Սաակաշվիլիի առողջական վիճակի մասին, թեև ակնհայտ էր, որ նախկին նախագահի վիճակը նախորդ այցի համեմատ շատ լավացել է։

Միխեիլ Սաակաշվիլին, ի թիվս այլոց, շնորհակալություն է հայտնել Ժողովրդական պաշտպանի գրասենյակին, որը մի քանի տարի հետեւում է նրա առողջությանը։ Լևան Իոսելիանին հաստատել է, որ ապարատն իր լիազորությունների շրջանակում շարունակելու է հետևել նրա առողջությանը։

Ժողովրդական պաշտպանի խոսքով, այս փուլում «Վիվամեդ»-ում բուժում է անցնում մինչև 10 բանտարկյալ, և նրանցից ոչ ոք դժգոհություն չի հայտնել բուժման մեթոդներից ու որակից։

Ժողովրդական պաշտպանն ընդգծեց քրեակատարողական հիմնարկներում կալանավորների բժշկական կարիքները պարզելու և ժամանակին բուժհաստատություն տեղափոխելու գործընթացը ձգձգելու խնդիրը։