2024 թվականի նոյեմբերի 25-ին Վրաստանի Ժողովրդական պաշտպանի ներկայացուցիչն այցելել է ժամանակավոր պահման մեկուսարանում նոյեմբերի 24-ին ոստիկանների վրա հարձակվելու մեղադրանքով ձերբակալված անձին։

Ըստ քաղաքացու՝ բերման ենթարկելիս իր նկատմամբ անհամաչափ ուժ է կիրառվել, և նա ենթադրյալ ոչ պատշաճ վերաբերմունքի կամ չափից դուրս ուժի զոհ է։

Նշված փաստի առնչությամբ, գրասենյակի տեղեկություններով, հատուկ քննչական ծառայությունը վարում է քննություն, որի ընթացքին կհետևի Ժողովրդական պաշտպանի գրասենյակը։

Վրաստանի Ժողովրդական պաշտպանի ներկայացուցիչն այցելել է նաև նոյեմբերի 19-ին կալանավորված Իսակո Դևիձեին, ով հացադուլ է հայտարարել։

Նշենք, որ Ժողովրդական պաշտպանի ներկայացուցիչն այցելել է Իսակո Դևիձեին ձերբակալության առաջին օրը։ Նրա տրամադրած տվյալների հիման վրա ապարատն արձագանքման համար դիմել է հատուկ քննչական ծառայություն։

Ժողովրդական պաշտպանի գրասենյակը շարունակում է ուսումնասիրել դեպքը և վերահսկել ոչ պատշաճ վերաբերմունքի փաստերի առնչությամբ ընթացող քննությունը։