2023 թվականի սեպտեմբերի 13-ին Վրաստանի Ժողովրդական պաշտպանի գրասենյակի ներկայացուցիչներ Ակակի Կուխալեիշվիլին և Նինո Բերիշվիլին մասնակցել են Հռոմում ազատությունից զրկված անձանց իրավունքների ազգային երաշխավորի կազմակերպած պանելային քննարկմանը, որը նվիրված էր գործնական խնդիրներին, կապված հարկադիր վերադարձի և միջազգային համագործակցության խորացման հետ։

Սեպտեմբերի 14-ին Վրաստանի Ժողովրդական պաշտպանի գրասենյակի ներկայացուցիչները մասնակցել են նաև Իտալիայի խորհրդարանի Պատգամավորների պալատում տեղի ունեցած համաժողովին՝ «Հարկադիր վերադարձի գործողություններում հիմնարար իրավունքների ապահովում. եվրոպական հեռանկար» թեմայով։ Ժողովրդական պաշտպանի ազգային մեխանիզմի կանխարգելման վարչության պետի տեղակալ Ակակի Կուխալեիշվիլին, ելույթ ունենալով համաժողովում, խոսել է հարկադիր վերադարձի գործողությունների մոնիտորինգի և Վրաստանի փորձի մասին։

Նշենք, որ 2022 թվականի մարտին Ազատությունից զրկված անձանց իրավունքների ազգային երաշխավորի և Ժողովրդական պաշտպանի գրասենյակի միջև ստորագրվել է համաձայնագիր, որը նախատեսում է երկու կառույցների համագործակցությունը հարկադիր վերադարձի մոնիտորինգի առումով։