Ժողովրդական պաշտպան Լևան Իոսելիանին Վրաստանի խորհրդարանում տեղի ունեցած աշխատանքային խորհրդակցության ժամանակ խոսել է Վրաստանի առանձին ստացիոնար բուժհաստատությունում վարակի կանխարգելման և վերահսկման միջոցառումների մոնիտորինգի արդյունքների մասին։

Վրաստանի Ժողովրդական պաշտպանի զեկույցին ծանոթացել են՝ Վրաստանի խորհրդարանի Մարդու իրավունքների պաշտպանության և քաղաքացիական ինտեգրման և առողջության պաշտպանության և սոցիալական հարցերի հանձնաժողովի անդամներն, ինչպես նաև տեղահանվածների, աշխատանքի, առողջապահության և սոցիալական պաշտպանության նախարարը և նախարարի առաջին տեղակալը։

Ժողովրդական պաշտպանի առաջին տեղակալ Թամար Գվարամաձեն խոսել է զեկույցի պատրաստման մեթոդիկայի մասին և նշել, որ Ժողովրդական պաշտպանի ներկայացուցիչները հրավիրված փորձագետի և բժիշկ-համաճարակաբանի հետ 2023 թվականի երկրորդ կիսամյակում ստուգել են տարբեր տարածքում գործող 9 ստացիոնար բուժհաստատություններ, գնահատել են մի շարք օրենսդրական և ենթաօրենսդրական ակտեր, վերլուծել միջազգային փաստաթղթերը, ուսումնասիրել են լիազորված գերատեսչություններից պահանջված համապատասխան տեղեկատվությունը։

Մոնիտորինգի ընթացքում մի շարք բուժհաստատություններում հայտնաբերվել են վարակի կանխարգելման և վերահսկման համար անհրաժեշտ ենթակառուցվածքների գործունեության և գործընթացների խախտումների դեպքեր։

Շնորհանդեսից հետո տեղի ունեցած քննարկմանը քննարկվեցին բուժհաստատություններում տիրող իրավիճակը և թերությունները վերացնելու ուղղությամբ իրականացվելիք միջոցառումները։

Զեկույցը կհրապարակվի մոտ ապագայում և հասանելի կլինի շահագրգիռ կողմերին։