2020 թվականի սեպտեմբերի 24-ին Վրաստանի Մարդու իրավունքների պաշտպանը և Մարդու իրավունքների պաշտպանին առընթեր կրոնների խորհուրդը ներկայացրեցին 2020 թվականին մշակված առաջարկությունները՝ կապված կրոնական փոքրամասնությունների ներկայացուցիչների և դավանանքի ազատության հետ կապված խնդիրների: Միջոցառումը վարում էր Հանդուրժողականության կենտրոնի ղեկավար Բեկա Մինդիաշվիլին:

Առաջարկությունները հասցեագրված են պետական մարմիններին և լրատվամիջոցներին և ներառում են հետևյալ խնդիրները.

• Կրոնի ազատության օրենսդրական կարգավորում
• Կրոնի մասին օրենքի նախաձեռնություն
• Խտրական օրենսդրություն
• Կրոնական կազմակերպությունների ֆինանսավորման պրակտիկան
• Անհանդուրժողականությամբ պայմանավորված հանցագործություններ
• Վերականգնում
• Կրոնների հարցերով պետական գործակալության մանդատը
• Գույքային խնդիրներ
• Սահմանի հատում
• Կրթություն և լրատվամիջոցներ

Վրաստանի Մարդու իրավունքների պաշտպան Նինո Լոմջարիան միջոցառմանը իր ողջույնի խոսքում հակիրճ անդրադարձավ Կրոնական փոքրամասնությունների խորհրդի գործունեությանը և նշեց, որ իր հիմնադրման օրվանից` 2005 թվականից, Խորհուրդը նշանակալի ներդրում է ունեցել երկրում կրոնի ազատության պաշտպանության և ամրապնդման գործում: «Կրոնական փոքրամասնությունների խորհրդի և Մարդու իրավունքների պաշտպանի ակտիվ աշխատանքի արդյունքն այն է, որ այսօր բոլոր դավանանքի հոգևորականները կարող են առանց խտրականության քրեակատարողական հիմնարկներ մուտք գործել՝ բանտարկյալներին կրոնական ծառայություններ մատուցելու համար, շատ ավելի ազատական է դարձել կրոնական կազմակերպությունների գրանցման վերաբերյալ օրենսդրությունը, որոշակի առաջընթաց է գրանցվել ատելության հանցագործությունները որակավորելու և հետաքննելու հարցում, Ատելության խոսքի օգտագործումը դպրոցական դասագրքերում և ընդհանրապես կրթական համակարգում աստիճանաբար անցնում է վերահսկողության ներքո: Խորհրդի ջանքերով Սահմանադրությունը չի պարունակում կրոնի կամ համոզմունքների ազատության որևէ սահմանափակում:

Այսօր խորհուրդն իր գոյության ընթացքում արդեն երրորդ փաստաթուղթը ներկայացրեց, որը հստակ նկարագրում է երկրում կրոնի և դավանանքի ազատության տեսանկյունից իրավիճակը և ինչ քայլեր պետք է ձեռնարկվեն», - ասաց Մարդու իրավունքների պաշտպանը:

Նինո Լոմջարիան շնորհակալություն հայտնեց ԱՄՆ-ի միջազգային զարգացման գործակալությանը և ՄԱԿ-ի ասոցիացիային այս տարիների ընթացքում Հանդուրժողականության կենտրոնին և Կրոնների խորհրդին ցուցաբերած աջակցության համար:

ԱՄՆ-ի Միջազգային զարգացման գործակալության Ժողովրդավարության, իրավունքների և կառավարման գրասենյակի փոխտնօրեն Լորա Բերգերը խոսեց Մարդու իրավունքների պաշտպանի հետ համագործակցության, ժողովրդավարական և հանդուրժողական միջավայրում արված առաջարկությունների իրականացման կարևորության մասին:

Փորձագետ Մակո Ղավտաձեն և Յոթերորդ օրվա ադվենտիստական եկեղեցու հովիվ Բորիս Ճարայան խոսեցին օրենսդրական դաշտի, սեփականության իրավունքի և վերականգնման, ինչպես նաև կրոնական գրականության սահմանը հատելու խնդիրների մասին:

Փորձագետ Գեորգի Գոցիրիձեն և Ավետարանական եկեղեցու հովիվ Գուրամ Իմերլիշվիլին քննարկել են խտրականության դեմ օրենսդրությունը և ատելության հանցագործությունների քննությունը:

Խորհրդակցեցին ԶԼՄ-ների և կրթության փորձագետ Նինո Ցինցաձեն և Վրաստանի Ավետարանական բապտիստական եկեղեցու եպիսկոպոս Ռուսուդան Գոցիրիձեն:

Փորձագետ Թամթա Միքելաձեն և Վրաստանի Ավետարանական եկեղեցու հոգևոր հովիվ Զաալ Տղեշելաշվիլին ներկայացրեցին դավանանքի ազատության վերաբերյալ պետական քաղաքականության ուսումնասիրության արդյունքները:

Միջոցառումը կազմակերպվել էր Հանդուրժողականության, քաղաքացիական իրազեկման և ինտեգրման աջակցության ծրագրի (PITA) աջակցությամբ, որն իրականացվում է Վրաստանի ՄԱԿ-ի ասոցիացիայի (UNAG) կողմից` ԱՄՆ-ի Միջազգային զարգացման գործակալության (USAID) ֆինանսական աջակցությամբ: