Ժողովրդական պաշտպանի հայտարարությունը ընթացիկ բողոքի ակցիաների վերաբերյալ
Վրաստանի Ժողովրդական պաշտպանը հետևում է Թբիլիսիում և Վրաստանի այլ քաղաքներում շարունակվող բողոքի ակցիաներին։
Վրաստանի Ժողովրդական պաշտպանի գնահատմամբ՝ այս ժամին (23:30) գործողությունները խաղաղ են և հավաքների ազատությանը միջամտելու իրավական հիմք չկա։
Հատկապես ուշագրավ է Թբիլիսիում, Ճիճինաձեի փողոցում բողոքի ցույցի մասնակիցների և ոստիկանական ուժերի հատուկ կենտրոնացումը։ Իրավապահ մարմինների համար կարևոր է հաշվի առնել, որ երբ կոնկրետ վայր/հաստատություն բողոքի առարկա է, կամ կոնկրետ վայրում տեսակետների արտահայտումն ամենաարդյունավետ միջոցն է՝ հասնելու կարծիքի կամ բողոքի հասցեատիրոջը, համապատասխանաբար իշխանությունները պետք է ցուցաբերեն համապատասխան աստիճանի հանդուրժողականություն։ Նշված ստանդարտը պետք է հարգվի բոլոր դեպքերում, եթե չկա որևէ կոնկրետ սահմանափակում կիրառելու պատճառ։
Ժողովրդական պաշտպանը կոչ է անում Ներքին Գործերի նախարարությանը չխոչընդոտել հավաքների ազատության իրականացմանը ողջ երկրում ընթացող գործողությունների ընթացքում և լրագրողների համար ապահովել անվտանգ աշխատանքային միջավայր։ Ժողովրդական պաշտպանը նաև կոչ է անում հանրահավաքի մասնակիցներին շարունակել բողոքի ակցիան խաղաղ ձևով:
