2024 թվականի հունիսի 18-ին Վրաստանի Ժողովրդական պաշտպանի գրասենյակը տեղական և միջազգային կազմակերպությունների մասնակցությամբ աշխատանքային խորհրդակցություն է անցկացրել ընտրությունների թեմայով, որի նպատակն էր տեղեկություններ տրամադրել Ժողովրդական պաշտպանի մանդատի և ընտրությունների հետ կապված հարցերի ուսումնասիրության վերաբերյալ, իսկ մասնակից կուսակցություններից տեղեկատվություն ստանալ առկա մարտահրավերների մասին։

Ժողովրդական պաշտպան Լևան Իոսելիյանիի խոսքերով, բևեռացման աճի պայմաններում մեծ ակնկալիքներ կան այն ապարատի նկատմամբ, որը, չնայած սահմանափակ մանդատին և ռեսուրսներին, պատրաստ է հետաքննել և ուսումնասիրել ձեռք բերված ողջ տեղեկատվությունը։ Նա նշեց նաև ապարատի մարզային ներկայացուցչությունների պատրաստակամությունը նախընտրական շրջանում և քվեարկության ընթացքում իրավունքների խախտման փաստերին համապատասխան արձագանքելու առումով։

Ժողովրդական պաշտպանի առաջին տեղակալ Թամար Գվարամաձեն խոսել է նախընտրական շրջանում խախտումների մասին տեղեկատվություն ստանալու խնդիրների մասին, ինչը թույլ է տալիս արդյունավետ արձագանքել և երկարաժամկետ որոշում կայացնել։ Նաև բռնության և ձերբակալությունների ժամանակ գործող արձագանքման մեխանիզմի և համակարգման բարելավման կարևորության մասին։

Մասնակիցները զրուցել են, արտակարգ իրավիճակներում նախընտրական և ընտրական գործընթացներում ապարատի առավել ակտիվ ներգրավման կարևորության, ինչպես նաև ապարատի հետ արդյունավետ համագործակցության մասին՝ ակցիաների ընթացքում ձերբակալվածներին հայտնաբերելու և նրանց իրավունքները վերահսկելու հարցերում։

Հանդիպմանը մասնակիցներն ընդգծել են թափանցիկության մասին Վրաստանի օրենքի բացասական ազդեցությունը ոչ կառավարական հատվածի վրա։

Հանդիպումն անցկացվել է USAID-PDO գործընկերության ծրագրի շրջանակներում՝ ամերիկյան ժողովրդի աջակցությամբ՝ ԱՄՆ Միջազգային զարգացման գործակալության (USAID) օգնությամբ։