2023 թվականի հունիսի 1-ին՝ Երեխաների պաշտպանության միջազգային օրը, Վրաստանի Ժողովրդական պաշտպանը երեխաների մասնակցությամբ միջոցառում է անցկացրել, որի ժամանակ գրասենյակի աշխատակիցները երեխաների հետ զրուցել են նրանց իրավունքների մասին, այդ թվում՝ կյանքի, զարգացման, կրթության և պաշտպանության, բռնության ցանկացած ձևի մասին:

Ստացված տեղեկատվության հիման վրա երեխաներն իրենք են ներկայացրել իրենց կարծիքները, թե ինչ պետք է անել երկրում իրենց իրավունքները ավելի լավ պաշտպանելու համար։

«Երեխաների իրավունքները պետք է պաշտպանվեն տարվա ամեն օր։ Ձեզ և Վրաստանում ապրող ցանկացած երեխայի պաշտպանելու համար ես և իմ աշխատակազմը ուսումնասիրում ենք ձեր մտահոգությունները, և երբ կարծում ենք, որ երեխայի իրավունքները խախտվել են, մենք առաջարկություններ ենք անում և ասում այն ​​հաստատություններին կամ անհատներին, ովքեր անմիջականորեն պատասխանատու են ձեր իրավունքները պաշտպանելու համար, թե ինչ է պետք անել այնպես, որ դուք ավելի լավ պաշտպանված լինեք»,- հայտրարել է Ժողովրդական պաշտպանը։

Միջոցառման մասնակիցներին դիմեց USAID/Վրաստանի Ժողովրդավարության, իրավունքների և կառավարման գրասենյակի տնօրենի պաշտոնակատարը։ «Դուք հաջողակ և ազատ Վրաստանի ապագան եք։ Դուք իրավունք ունեք ունենալ և կիսել ձեր սեփական կարծիքը, դուք իրավունք ունեք զարգացնելու ձեր քննադատական ​​և ստեղծագործական հմտությունները։ USAID-ը կշարունակի աջակցել Վրաստանին, որպեսզի բոլոր երեխաներն ինքնադրսևորվելու ավելի շատ հնարավորություններ ունենան»,- ասել է Լիզա Կովաչը։

Միջոցառման նպատակն է լսել երեխաների կարծիքը և խթանել նրանց ներգրավվածությունը երկրում երեխաների իրավունքների պաշտպանության, իրացման և որոշումների կայացման գործընթացում:

Ժողովրդական պաշտպանի գրասենյակը շարունակելու է նմանատիպ միջոցառումներ անցկացնել երեխաների հետ և երեխաների համար։

Միջոցառումն իրականացվել է USAID-PDO-ի գործընկերության ծրագրի և USAID-ի Օրենքի գերակայության ծրագրի աջակցությամբ: Գործընկերություն հանուն մարդու իրավունքների կազմակերպությունը միջոցառմանը ներկայացրեց նաև կարևոր տեղեկատվական նյութեր երեխայի իրավունքների վերաբերյալ: