Վրաստանի Ժողովրդական պաշտպան Լևան Իոսելիանին արձագանքում է լրատվամիջոցներում տարածված տեղեկատվությանը՝ Ռուսթավիի 8-րդ միկրոշրջանում գտնվող տարեցների կացարանում տիրող վատթարագույն իրավիճակի մասին։

2023 թվականի հուլիսի 1-ին, հեռուստաընկերություն Առաջինի եթերում ցուցադրված սյուժեում^[1] խոսվում էր տարեցների իրավունքների լուրջ խախտումների, նրանց նկատմամբ հնարավոր բռնության և ոչ պատշաճ վերաբերմունքի մասին։ Դիտարկվում են նաև ոչ պատշաճ սանիտարահիգիենիկ պայմաններ։ Վրաստանի Ժողովրդական պաշտպանն արդեն դիմել է Վրաստանի Ներքին Գործերի նախարարությանը՝ հնարավոր հանցագործությանն արձագանքելու համար։

Վրաստանի Ժողովրդական պաշտպանն իր զեկույցներում մշտապես ընդգծում է տարեցների երկարատև խնամքի մասնավոր հաստատություններում համակարգային խախտումները և պետական ​​վերահսկողության և դիտարկման համապատասխան մեխանիզմների բացակայությունը։ Ավելին, պետությունը նույնիսկ չգիտի նման հաստատությունների ստույգ թիվը։

Ժողովրդական պաշտպանի գրասենյակը պետական ​​հսկողության ենթակա տարեցների երկարատև խնամքի հաստատությունների մոնիթորինգի շրջանակներում մի շարք խախտումներ է հայտնաբերել։ Հաշվի առնելով սա, այսպես կոչված մասնավոր տեսակի տարեցների երկարատև խնամքի հաստատություններում, վերահսկողության բացակայության դեպքում, տարեցների իրավունքների ոտնահարման և նրանց նկատմամբ բռնության ռիսկերն էլ ավելի են բարձրանում։

Ժողովրդական պաշտպանը հետևելու է վերոնշյալ փաստին Վրաստանի Ներքին Գործերի նախարարության արձագանքին և իր լիազորությունների շրջանակներում կշարունակի աշխատել տարեցների իրավունքների պաշտպանության ուղղությամբ հայտնաբերված համակարգային խնդիրների ուղղությամբ։ Այն նաև կոչ է անում Վրաստանի օկուպացված տարածքներից հարկադիր վերաբնակների աշխատանքի, առողջապահության և սոցիալական պաշտպանության նախարարությանը գրանցել տարեցների մասնավոր երկարատև խնամքի հաստատությունները և սկսել քննարկումներ նրանց վերահսկողության արդյունավետ մեխանիզմի ստեղծման շուրջ։

[1] Տեըղեկատվությունը հասանելի է <https://bit.ly/3rebLJC>.