Վերջին օրերին լրատվամիջոցների, սոցիալական ցանցերի, ինչպես նաև տարբեր դիտորդական կազմակերպությունների տարածած տեղեկատվության համաձայն՝ անհայտ անձինք սպառնալիքների, ահաբեկման, բռնության և/կամ այլ անօրինականության միջոցով բռնագրավում են Վրաստանի քաղաքացիների անձը հաստատող փաստաթղթերը։

Վրաստանի Ժողովրդական պաշտպանը հիշեցնում է հանրությանը, որ ընտրություններում կամքի իրականացմանը խոչընդոտելը, այդ թվում՝ խաբեությամբ, բռնությամբ կամ պաշտոնական դիրքն օգտագործելով, քրեորեն պատժելի արարք է։

Ժողովրդական պաշտպանը կոչ է անում իրավապահ մարմիններին հետաքննություն սկսել հնարավոր հանցավոր փաստերի հիման վրա՝ հրապարակված տեղեկատվության համաձայն։

Նաև Վրաստանի Ժողովրդական պաշտպանը մանդատի շրջանակներում իր պատրաստակամությունն է հայտնում օգնել ցանկացած քաղաքացու, ով այս կերպ զրկվել է անձը հաստատող վկայականից։ Նման դեպքերում խնդրում ենք կապ հաստատել մեզ հետ թեժ գծով՝ 1481 հեռախոսահամարով։