Հունիսի 14-ին Վրաստանում նշվում է հաշմանդամություն ունեցող անձանց իրավունքների պաշտպանության օրը, որի նպատակն է ճանաչել հաշմանդամություն ունեցող անձանց կարևոր դերը մեր հասարակության մեջ, վերլուծել առկա մարտահրավերները և խոսել ձեռք բերված առաջընթացի մասին։ Այս օրը մեզ հիշեցնում է, որ պետությունը պարտավոր է ստեղծել հավասար հնարավորություններ բոլորի համար, վերացնել այն խոչընդոտներն ու անհավասարությունները, որոնց բախվում են ամեն օր հաշմանդամություն ունեցող անձինք, և ձեռնարկել բոլոր հնարավոր միջոցները ներառական և հավասար միջավայր ստեղծելու համար։

Ժողովրդական պաշտպանը մանդատի շրջանակներում մշտապես ուսումնասիրում է հաշմանդամություն ունեցող անձանց իրավական կարգավիճակը Վրաստանում, այսօր ցանկանում ենք հրապարակել երկու հատուկ զեկույց.

- Բարձրագույն ուսումնական հաստատություններում ներառական կրթության մոնիտորինգ.

- Ռեսուրս-դպրոցների մոնիտորինգի հաշվետվություն.

Այս զեկույցները կենտրոնանում են որակյալ և շարունակական ներառական կրթության ապահովման կարևորության վրա, որն անհրաժեշտ նախապայման է հաշմանդամություն ունեցող անձանց հասարակական կյանքում իրականացնելու և լիարժեք ներառելու համար: Զեկույցները մանրամասն ներկայացնում են կրթական համակարգում տիրող իրավիճակը, վերլուծում են մարտահրավերները և առաջարկություններ անում դրանց վերացման համար:

Նշենք, որ վերոնշյալ հատուկ զեկույցները մշակվել են ՄԱԿ-ի Զարգացման ծրագրի և Եվրոպական միության աջակցությամբ։