Վրաստանի Ժողովրդական պաշտպան Լևան Իոսելիանին արձագանքում է Վրաստանի խորհրդարանի ապարատի կողմից, տարբեր ժամանակներում քննադատական ​​լրատվամիջոցների՝ (On.ge, «Նետգազեթի», «Պուբլիկա», «Ֆորմուլա», «TV Պիրվելի», «Մթավարի արխի») լրագրողների և օպերատորների հավատարմագրման կասեցման խնդրին:

Ինչպես նշում են լրատվամիջոցների ներկայացուցիչները, հավատարմագրման կասեցումը պայմանավորված է խտրական հիմքերով, իշխող կուսակցության համար անընդունելի դիրքորոշմամբ կամ հարցադրումներով։

Ժողովրդական պաշտպանը կարծում է, որ 2023 թվականի փետրվարի 6-ին խորհրդարանի նախագահի հրամանով հաստատված «Վրաստանի խորհրդարանում լրատվամիջոցների ներկայացուցիչների հավատարմագրման կանոնը», որը այս պրակտիկայի հիմքն է, խնդրահարույց է։ Բացի այդ, նշված կանոնը չի նկարագրում որոշումը բողոքարկելու հարցը, իսկ լրագրողների հավատարմագրումը կասեցնելու որոշման մեջ նշված չէ այն բողոքարկելու ժամկետն ու կարգը, ինչը օրենսդրության անհրաժեշտ պահանջն է։

Հատկանշական է, որ լրատվամիջոցների ներկայացուցիչների նկատմամբ նմանատիպ վերաբերմունքն ու որոշումները կանխում են երկրում բևեռացվածության նվազեցումը։

Հաշվի առնելով վերոգրյալը՝ Ժողովրդական պաշտպանը կոչ է անում Վրաստանի խորհրդարանի նախագահին փոփոխություններ կատարել վիճահարույց կանոնում այնպես, որ կանոնակարգը չհիմնավորված միջամտություն չառաջացնի լրատվամիջոցի ներկայացուցչի գործունեությանը։ Լրագրողների նկատմամբ ցանկացած իրավական միջոց պետք է հիմնված լինի իրավահավասարության սկզբունքի վրա:

Ժողովրդական պաշտպանը, ինչպես լրատվամիջոցների ներկայացուցիչների դիմումի հիման վրա, այնպես էլ սեփական նախաձեռնությամբ, արդեն ուսումնասիրում է նշված փաստերը։