Ժողովրդական պաշտպանի հայտարարությունը նոյեմբերի 10-ի ցույցերի ժամանակ բերման ենթարկված անձանց վերաբերյալ
Հանրությանը հայտնի է, որ Ներքին գործերի նախարարությունը տեղեկատվություն է տարածել, այսօր, բողոքի ակցիաների ժամանակ վարչական կարգով 46 անձի ձերբակալության մասին։ Ժողովրդական պաշտպանի գրասենյակը օրվա ընթացքում այցելել է 23 ձերբակալվածի։
Ձերբակալվածները նշել են, որ կալանավորումն անհիմն է, սակայն ֆիզիկական բռնության/ոստիկանության կողմից ուժի չափից դուրս կիրառման մասին ոչինչ չեն ասել։ Ձերբակալվածներից միայն մեկն է վնասվածքներ ստացել, ինչի մասին արդեն տեղյակ է պահվել Պետական տեսուչի ծառայությունը։
Ժողովրդական պաշտպանի գրասենյակում մինչ այժմ չի դադարել ձերբակալվածներին փնտրող ընտանիքի անդամների կամ փաստաբանների զանգերը։ Որոշ դեպքերում, ցավոք, Ժողովրդական պաշտպանի գրասենյակը չի կարողանում ժամանակին տեղեկատվություն ստանալ Ներքին գործերի նախարարությունից։
Ներքին գործերի նախարարությունը, ցավոք, շարունակել է մարդու իրավունքներին չհամապատասխանող փորձը, ըստ որի՝ ձերբակալվածների ընտանիքի անդամներն ու փաստաբանները տևական ժամանակ տեղեկացված չեն եղել ձերբակալվածների գտնվելու վայրի մասին։ Հետևաբար, փաստաբանները չեն կարողանում ժամանակին այցելել իրենց պաշտպանյալներին, զրուցել նրանց հետ և համաձայնեցնել պաշտպանության ռազմավարությունը: Նույնիսկ երբ փաստաբանները գիտեն կալանավորների գտնվելու վայրը, նրանք ժամերով խոչընդոտների են հանդիպում կալանավորների հետ հանդիպման ժամանակ:
Ժողովրդական պաշտպանը կոչ է անում Ներքին գործերի նախարարությանը, ընտանիքի յուրաքանչյուր անդամի կամ փաստաբանի անհապաղ տեղեկատվություն տրամադրել ձերբակալվածի գտնվելու վայրի մասին և հնարավորություն տալ փաստաբաններին անարգել հանդիպել իրենց պաշտպանյալների հետ։ Ժողովրդական պաշտպանը նաև կոչ է անում Ներքին գործերի նախարարությանը, հետագայում գործել օրենքով սահմանված կարգով և հնարավորինս սեղմ ժամկետներում տեղեկացնել համապատասխան անձանց ձերբակալվածների մասին։
