Ժողովրդական պաշտպանը հաստատել է նախընտրական շրջանում քաղաքական հողի վրա խտրականություն
2021 թվականի դեկտեմբերի 21-ին, Ժողովրդական պաշտպանը հանձնարարականով դիմել է Հ(Ի)ԻԱ Գորիի մունիցիպալիտետի տրանսպորտային գործակալությանը և պահանջել վերացնել աշխատանքային հարաբերություններում քաղաքական հայացքների հիմքով խտրականությունը։
Գործի փաստական հանգամանքների համաձայն, դիմումատուն 2021 թվականի փետրվարի 20-ից օգոստոսի 4-ը աշխատել է որպես ֆինանսական կառավարիչ Հ(Ի)ԻԱ Գորիի մունիցիպալիտետի տրանսպորտային գործակալությունում։ Օգոստոսի սկզբին նա աշխատանքից ազատվել է պայմանագրի ժամկետի ավարտի պատճառով։ Ըստ դիմումատուի՝ պայմանագիրը երկարաձգելուց հրաժարվելու պատճառը եղել է՝ նախկին վարչապետ Գիորգի Գախարիայի՝ «Հանուն Վրաստանի» կուսակցության հետ իր եղբոր սերտ կապերը։
Ճիշտ է, ըստ պատասխանող կողմի (Գորիի մունիցիպալիտետի տրանսպորտի գործակալության) աշխատանքային պայմանագիրը դադարեցվել է օրինական հիմքերով՝ աշխատանքային պայմանագրի ժամկետը լրանալու պատճառով, սակայն, ըստ Ժողովրդական պաշտպանի պահանջած տեղեկատվության, օգոստոսի 4-ին պայմանագրի ժամկետը լրացել է 29 անձի համար, որոնցից 28-ի հետ պայմանագիրը երկարաձգվել է:
Հանձնարարականում հիմնավորվում է, որ պայմանագրի ժամկետը լրանալու պատճառով հարաբերությունները դադարեցնելու փաստարկը չի հերքում խտրականության կանխավարկածը։ Հատկապես հաշվի առնելով այն, որ պատասխանող կողմը չի վիճարկել դիմումատուի պրոֆեսիոնալիզմը։ Այնուամենայնիվ, գործակալությունը տեղեկատվություն չի տրամադրել այն չափանիշների, հանգամանքների կամ գործոնների մասին, որոնք գործակալության տնօրենը հաշվի է առնում պայմանագրի երկարաձգման և (կամ) չերկարաձգման մասին որոշում կայացնելիս, ինչպես նաև չի բացատրել բացասական որոշման պատճառները, թե ինչու չի երկարաձգվել պայմանագիրը:
Հաշվի առնելով վերոգրյալը՝ Ժողովրդական պաշտպանը կոչ է արել Հ(Ի) ԻԱ Գորիի մունիցիպալիտետի տրանսպորտային գործակալությանը վերացնել դիմումատուի նկատմամբ խտրական վերաբերմունքի հետևանքները՝ աշխատանքի վերականգնման միջոցով և թույլ չտալ աշխատանքային հարաբերություններում քաղաքական կարծիքի կամ այլ նշաններով խտրական վերաբերմունք և գործունեությունը շարունակել իրավահավասարության սկզբունքների պաշտպանությամբ:
Հանձնարարականում Ժողովրդական պաշտպանը ընդգծել է նաև այն փաստը, որ, ցավոք, մեր երկրում առկա խնդիր է ներկայացնում նախընտրական շրջանում մունիցիպալ ծառայություններից, տարբեր մունիցիպալիտետների կողմից ստեղծված ՀԻԻԱ-ներից աշխատող անձանց քաղաքական հայացքների պատճառով աշխատանքից ազատման դեպքերը:
