Վրաստանի Մարդու իրավունքների պաշտպանը արձագանքում է գրավյալ Աբխազիայի տարածքում բռնազավթող ռեժիմի կողմից Վրաստանի քաղաքացի Իրակլի Բեբուային ապօրինի պահելու փաստին: Ձերբակալության մասին տեղեկատվության տարածումից ի վեր Մարդու իրավունքների պաշտպանը ներգրավված է գործի քննության մեջ: Ձերբակալվածի ընտանիքի անդամները նույնպես օգնության խնդրանքով դիմել են Մարդու իրավունքների պաշտպանին:

Ըստ հաղորդագրությունների, Իրակլի Բեբուան այրել է դե-ֆակտո հանրապետության դրոշը, սակայն բռնազաված Աբխազիայի դե-ֆակտո կառավարության իրավապահ մարմինները նրան մեղադրում են նաև ուրիշի ունեցվածքը դիտավորյալ ոչնչացնելու և զինամթերք ապօրինի պահելու մեջ:

Իրակլի Բեբուայի կողմից ձեռնարկված գործողությունների ենթադրյալ բնույթի պատճառով մեծ հավանականություն կա, որ դե-ֆակտո կառավարությունը արհեստականորեն կխստացնի իրեն առաջադրված մեղադրանքները:

Վրաստանի Մարդու իրավունքների պաշտպանն ընդգծում է, որ մարդու իրավունքների միջազգային օրենսդրության համաձայն, մարդու հիմնարար իրավունքների իրականացումը, ներառյալ անօրինական դատարանի կողմից ազատության ապօրինի զրկումից, խոշտանգումներից և վատ վերաբերմունքից անձի պաշտպանվելու իրավունքը տարածվում է կառավարությունների կողմից չվերահսկվող տարածքների վրա:

Համաձայն միջազգային իրավունքի, չկառավարվող տարածքներում մարդու իրավունքների խախտումների համար պատասխանատվությունը կրում է մի կողմից բռնազավթող պետությունը, որպես արդյունավետ վերահսկողություն իրականացնողը, այնպես էլ դե ֆակտո իշխանությունները:

Ստեղծված իրավիճակում Մարդու իրավունքների պաշտպանը կոչ է անում Վրաստանի իշխանություններին՝ միջազգային կազմակերպությունների օգնությամբ ակտիվացնել ջանքերը Վրաստանի քաղաքացի Իրակլի Բեբուային ապօրինի կալանքից ազատելու համար: