27 მარტს სომეხთა სამოციქულო მართლმადიდებელი ეკლესია, კათოლოკე, ევანგელურ-ლუთერული და სხვა დასავლური კალენდრის მიმდევარი ეკლესიები აღდგომას ზეიმობენ. საქართველოს სახალხო დამცველი საქართველოში მცხოვრები ამ ეკლესიების მრევლს აღდგომის ბრწყინვალე დღესასწაულს ულოცავს და მათ მხნეობასა და კეთილდღეობას უსურვებს.

სახალხო დამცველი ხაზს უსვამს, რომ რელიგიური მრავალფეროვნება და ტოლერანტული ტრადიცია ყოველთვის იყო საქართველოს განსაკუთრებული მახასიათებელი. ჩვენი ვალია, დავაფასოთ ის წვლილი, რაც სხვადასხვა რელიგიების წარმომადგენლებმა შეიტანეს ჩვენს სოციალურ, კულტურულ, სამეცნიერო და სახელოვნებო ცხოვრებაში და მათ ჩვენი ქვეყნის განვითარებასა და აღმშენებლობაში კიდევ მრავალი წვლილის შეტანა და ერთად მშვიდობიანი თანაცხოვრება ვუსურვოთ.