Son üç gündə üç qadının qətlə yetirilməsi faktının ictimaiyyətə məlum olması problemin miqyasından və ölkədəki həyəcanlı vəziyyətindən bir daha xəbər verir. Xalq Müdafiəçisinə məxsus rəsmi statistik məlumatlara görə, 2022-ci il yanvarın 1-dən avqustun 31-dək qadınların öldürülməsi ilə bağlı 14, adam öldürməyə cəhdlə bağlı 23 fakt qeydə alınıb. Bunlara son hallar da əlavə olunur.

Xalq Müdafiəçisi hər il qadınların öldürülməsi və öldürülməsinə cəhd hallarını araşdırır və mövcud çağırışlara cavab olaraq aşağıdakı istiqamətlərdə təcili addımların atılmasını vacib sayır:

Qurbanların müdafiəsi və onlara kömək göstərilməsi üzrə tədbirlərin gücləndirilməsi - zorakılıqdan müdafiə tədbirlərinin həyata keçirilməsi sürətinin artırılması vacibdir. Onların arasında mühüm vasitələrdən biri də elektron nəzarətdir ki, təəssüf ki, bundan səmərəli istifadə olunmur. (2021-ci ildə ailə daxili zorakılığı halları üzrə cəmi 14, qadınlara qarşı zorakılıq halları üzrə isə 1 nəfərə elektron nəzarət tətbiq edilib.) Bundan əlavə, mövcud risklərin qiymətləndirilməsi mexanizminin nəzərdən keçirilməsi və mümkün boşluqların müəyyən edilməsi vacibdir.

İşlərə cavab vermək və cinayət hüququ siyasətinin sərtləşdirilməsi - mövcud təcrübə göstərir ki, qadınlara və ailədə zorakılıq hallarında səmərəli və vaxtında ədalət mühakiməsi vacibdir. Qətllərin və qəsdən adam öldürməyə cəhdlərin əhəmiyyətli hissəsini təkrar cinayətlər təşkil edir ki, bu da həyata keçirilən tədbirlərin hadisənin təkrarlanmasına profilaktik təsir göstərmədiyini göstərir.

Qadınlara qarşı zorakılıq və ailə daxili zorakılığı hallarının qarşısının alınmasının və erkən aşkarlanmasının gücləndirilməsi - bütün qurumların səylərinin gücləndirilməsi və halların erkən aşkarlanması və qarşısının alınması üçün əlaqələndirilmiş tədbirlərin həyata keçirilməsi vacibdir. Həmçinin dövlətin siyasətinin ictimailəşdirilməsi üçün ictimai bəyanatlar və ictimai xadimlərin və siyasətçilərin rəyləri mühüm əhəmiyyət kəsb edir.

Bundan əlavə, Xalq Müdafiəçisi qadınların öldürülməsi və öldürülməsinə cəhd hallarının artması ilə əlaqədar Gürcüstan Hökümətində mövcud olan gender bərabərliyi, qadınlara qarşı zorakılıq və ailə daxili zorakılığı məsələləri ilə məşğul olan qurumlararası komissiyanın təcili cavab tədbirləri planının hazırlanması üçün dərhal iclas keçirilməlidir.