4 oktyabr 2023-cü il tarixində Gürcüstanın Xalq Müdafiəçisi yanında Tolerantlıq Mərkəzinin Etnik Azlıqlar Şurası vətəndaş bərabərliyi və inteqrasiyası üzrə 2021-2030-cu illər üçün dövlət strategiyasının 2021-2022-ci illər üçün fəaliyyət planının icrası ilə bağlı monitorinq hesabatını təqdim edib.

Tədbirin açılışında Gürcüstanın Xalq Müdafiəçisi Levan İoseliani Vətəndaş Bərabərliyi və İnteqrasiyası üzrə Dövlət Strategiyasının fəaliyyət planının icrasının monitorinqinin vacibliyindən danışıb və ofisin Tolerantlıq Mərkəzi ilə sıx əməkdaşlığını vurğulayıb.

Barışıq və vətəndaş bərabərliyi üzrə dövlət nazirinin birinci müavini Lia Qiqauri və Demokratiya, Hüquqlar və İdarəetmə İdarəsinin rəhbəri Tamar Sirbiladze də salamlama nitqi söyləyiblər.

İclasda Vətəndaş bərabərliyi və inteqrasiyası üzrə hökumət komissiyasının işçi qrupunun üzvləri, etnik azlıqlarla bağlı fəaliyyət göstərən beynəlxalq və qeyri-hökumət təşkilatlarının nümayəndələri, Xalq Müdafiəçisi yanında Etnik Azlıqlar Şurasına üzv təşkilatların nümayəndələri iştirak ediblər.

Təqdimatın moderatoru Etnik Azlıqlar Şurasının koordinatoru Koba Çopliani olub.

Tədbir Birləşmiş Millətlər Təşkilatının Gürcüstan Assosiasiyası tərəfindən həyata keçirilən ABŞ Beynəlxalq İnkişaf Agentliyinin “Müxtəliflikdə birlik” proqramının dəstəyi ilə keçirilib.