24 dekabr 2024-cü il tarixində Xalq Müdafiəçisi Levan İoseliani və Xalq Müdafiəçisinin müavini İrine Çixladze “Psixi Sağlamlıq və Narkomaniyanın Profilaktikası Mərkəzi” MMC-nin Kutaisi psixiatriya klinikasında olmuş, müəssisədəki xəstələrin hüquqi vəziyyəti ilə tanış olmuşlar.

Başçəkmə çərçivəsində onlar klinikanın fiziki mühitinə, xəstələrin yaşayış otaqlarına, yeməkxanaya, hamamlara, həyətə baxış keçirmiş, xəstələr, müəssisə rəhbərliyinin nümayəndələri və əməkdaşlarla söhbət etmişlər.

Başçəkmə zamanı qurumun sıxlığı, ağır infrastruktur-sanitariya vəziyyəti, qurumun səmərəli idarə olunması və ehtiyacların vaxtında ödənilməsi üçün ayrılan vəsaitin çatışmazlığı, eləcə də yardımçı heyətin əməkhaqqının aşağı olmasına xüsusi diqqət yetirilib.

Psixiatriya müəssisələrində mövcud vəziyyət xüsusi problemdir, ona görə də Xalq Müdafiəçisi psixiatriya xəstəxanalarına yerləşdirilən şəxslərin hüquqlarının müdafiəsinə nəzarəti gələcəkdə də davam etdirəcək, parlament və xüsusi məruzələrdə müvafiq tövsiyələr təqdim edəcəkdir.